Монголын жүдо бөхийн холбооноос дөрөв дэх жилдээ зохион байгуулах "Чингис хаан" дэлхийн цомын тэмцээн ирэх есдүгээр 8-9-нд Улаанбаатар хотноо болно. Энэ удаагийн тэмцээнд манай улсаас эрэгтэй 28, эмэгтэй 26 жүдоч хүчээ сорин барилдах эрх авчээ.
Олон улсын жүдо бөхийн холбоо /ОУЖБХ/-ны цуврал тэмцээнд багтдаг тус нэр хүндтэй тэмцээнийг монголчууд өнгөрсөн хугацаанд амжилттай зохион байгуулж, тус холбооноос чамгүй өндөр үнэлгээ аваад байгаа билээ.
Дэлхийн шилдэг жүдочдыг эх орондоо хүлээж авах Монголын жүдо бөхийн холбоо /МЖБХ/ өнгөрсөн баасан гарагт буюу наймдугаар сарын 24-нд "Чингис хаан" дэлхийн цомын тэмцээнд оролцох тамирчдын сонгон шалгаруулах тэмцээнийг зохион байгуулж жүдочдоо тодруулсан байна.
Д.Өлзий