"Лондон-2012" паралимпын XIV наадмын байт харвааны төрөлд өрсөлдөж буй ОУХМ Б.Жавзмаа хагас шигшээд шалгарах эрхийн төлөө өрсөлдөөнд БНХАУ-ын тамирчинг илт давуу яллаа.
Манай тамирчин Хятадын тамирчинг гурван үеийн турш илүүрхэж 6:0 (25:24, 24:21, 24:21)-оор буулган авснаар есдүгээр сарын 4-нд мөнгөн медалийн төлөө өрсөлдөх боллоо.
ОУХМ Б.Жавзмаа тэмцээний эхний өдрийн (08.29) урьдчилсан харваанд нийт 19 тамирчин харваснаас 524 (258+266) оноогоор VIII байраар шалгарч, улмаар есдүгээр сарын 1-нд болсон шөвгийн наймд шалгарах эрхийн төлөө Тайландын тамирчинтай учраа таарч 6:4 (25:26, 26:26, 22:21, 25:25, 26:20) ялалт байгуулсан. Ингэснээр манай тамирчин шилдэг наймд шалгарч улмаар Хятадын тамирчинтай оноолт таарсан юм. Хятадын тамирчин Гао Фаншианын хувьд урьдчилсан харваанд 581 онож I байраар шалгарсан бөгөөд улмаар Францын тамирчинг 6:0 (25:24, 24:21, 24:21)-оор буулган авсан байна.
ОУХМ Б.Жавзмаагийн хагас шигшээгийн өрсөлдөгч Швейцарийн тамирчинг 6:4-ээр хожсон БНСУ-ын тамирчин аж. БНСУ-ын тамирчин Ли Хва Сүкийн хувьд урьдчилсан харваанд 555 онож IV байраар шалгаран улмаар хасагдах шатанд Грек (6-0), Швейцарийн (6-4) тамирчдыг буулган авснаар манай тамирчинтай мөнгөн медалийн төлөө өрсөлдөхөөр боллоо. "Бээжин-2008" паралимпийн аварга, дэлхийн хошой аварга, Азийн пара наадмын аварга БНСУ-ын Ли Хва Сүктэй манай тамирчин урьд нь (ДАШТ болон Азийн пара наадам) хоёр удаа таарч ялагдаж байсан байна. Манай тамирчин маргааш (09.04) түүнийг ялсан тохиолдолд алтан медалийн төлөө өрсөлдөнө.
Я.Баяраа
Манай тамирчин Хятадын тамирчинг гурван үеийн турш илүүрхэж 6:0 (25:24, 24:21, 24:21)-оор буулган авснаар есдүгээр сарын 4-нд мөнгөн медалийн төлөө өрсөлдөх боллоо.
ОУХМ Б.Жавзмаа тэмцээний эхний өдрийн (08.29) урьдчилсан харваанд нийт 19 тамирчин харваснаас 524 (258+266) оноогоор VIII байраар шалгарч, улмаар есдүгээр сарын 1-нд болсон шөвгийн наймд шалгарах эрхийн төлөө Тайландын тамирчинтай учраа таарч 6:4 (25:26, 26:26, 22:21, 25:25, 26:20) ялалт байгуулсан. Ингэснээр манай тамирчин шилдэг наймд шалгарч улмаар Хятадын тамирчинтай оноолт таарсан юм. Хятадын тамирчин Гао Фаншианын хувьд урьдчилсан харваанд 581 онож I байраар шалгарсан бөгөөд улмаар Францын тамирчинг 6:0 (25:24, 24:21, 24:21)-оор буулган авсан байна.
ОУХМ Б.Жавзмаагийн хагас шигшээгийн өрсөлдөгч Швейцарийн тамирчинг 6:4-ээр хожсон БНСУ-ын тамирчин аж. БНСУ-ын тамирчин Ли Хва Сүкийн хувьд урьдчилсан харваанд 555 онож IV байраар шалгаран улмаар хасагдах шатанд Грек (6-0), Швейцарийн (6-4) тамирчдыг буулган авснаар манай тамирчинтай мөнгөн медалийн төлөө өрсөлдөхөөр боллоо. "Бээжин-2008" паралимпийн аварга, дэлхийн хошой аварга, Азийн пара наадмын аварга БНСУ-ын Ли Хва Сүктэй манай тамирчин урьд нь (ДАШТ болон Азийн пара наадам) хоёр удаа таарч ялагдаж байсан байна. Манай тамирчин маргааш (09.04) түүнийг ялсан тохиолдолд алтан медалийн төлөө өрсөлдөнө.
Я.Баяраа
