Балба улсад зорчигч тээврийн автобус уулын өндөр хавцал руу унаж 10 хүн амь насаа алдаж, 25 хүн шархадсан байна. Орон нутгийн цагдаагийн газрын мэдээнээс иш татан Ассошиэйтед Пресс агентлаг өнөөдөр энэ тухай мэдээлсэн байна. Тус улсын нийслэлийг бусад хотуудтай холбодог томоохон төв замд Катмандугаас баруун тийш 200 километрт энэ осол гарсан байна. Энэ зам тээврийн ослын талаар цагдаагийнхан мөрдөн байцаах ажил явуулж байна.