“Галын наадам” нэртэй Паралимпын хаалтын ёслолын ажиллагаа өчигдөр Лондон хотын Олимпын цэнгэлдэх хүрээлэнд явагдаж өндөрлөлөө.
Наймдугаар сарын 29-ний өдрөөс есдүгээр сарын 9-ний өдрийг хүртэл 11 хоног үргэлжилсэн тэмцээнийг Их Британийн эртний уламжлалаас сэдэвлэн бүтээсэн шоу үзүүлбэрээр төгсгөв.
Хоёр цаг хагас үргэлжилсэн тус ёслолын ажиллагаанд алдарт “Coldplay” хамтлаг голлох үүргийг гүйцэтгэжээ. Мөн дуучин Рианна рэппер Jay-Z болон “Coldplay” хамтлагтай хамтран дуулснаас гадна тус хамтлагийг "Viva La Vida" дуугаа дуулахад нь олон орны уран бүтээлчид тэдэнтэй нэгдсэн байна.
Өмнө нь болж байсан паралимпын бусад арга хэмжээнээс ялгаатай нь наадамд оролцсон бүх 4200 тамирчин гол тайзыг тойрон сууцгааж тоглолтыг хамгийн ойроос үзэж сонирхжээ.
Олон улсын паралимпын хорооны ерөнхийлөгч Филип Крэйвен ёслолын арга хэмжээг хааж “энэ наадам биднийг өөрчиллөө” хэмээн хэлээд зохион байгуулагч улсад баярлаж талархсанаа илэрхийлсэн байна.
Зохион байгуулагчдын ярьж буйгаар Лондонд болсон энэхүү наадам паралимпын түүхэн дэх хамгийн амжилттай зохион байгуулагдсан арга хэмжээ болжээ. Нийт 2,7 сая тасалбар борлуулснаараа түүхэнд бичигдэхүйц том амжилт болсон байна. Мөн хаалтын арга хэмжээний тасалбар нь бүрэн зарагдаж дууссан байжээ.
Паралимпын наадмын үеэр Лондон хотноо хөгжлийн бэрхшээлтэй иргэдэд зориулан тээврийн дэд бүтцэд өөрчлөлт хийсэн бөгөөд үүний тусламжтай тэд тус хотод зорчихдоо бусдын тусламжгүйгээр бүрэн чөлөөтэй зорчих боломжтой болсон байна.
Наадамд хамгийн амжилттай оролцсон улсаар БНХАУ тодорсон бөгөөд нийт 231 медаль буюу 95 алт хүртсэн тус улс медалийн тоогоороо тэргүүлсэн бол ОХУ 36 алт буюу нийт 102 медальтайгаар хоёрдугаар байранд орсон байна. Харин зохион байгуулагч орон болох Их Британи 34 алт, нийт 120 медальтайгаар гуравдугаарт бичигджээ. Манай улс энэ удаагийн Паралимпын наадамд медаль хүртээгүй ч байт харваанд эх орноо төлөөлөн оролцсон Б.Жавзмаа дөрөвдүгээрт шалгарсан билээ.
А.Цацрал
Наймдугаар сарын 29-ний өдрөөс есдүгээр сарын 9-ний өдрийг хүртэл 11 хоног үргэлжилсэн тэмцээнийг Их Британийн эртний уламжлалаас сэдэвлэн бүтээсэн шоу үзүүлбэрээр төгсгөв.
Хоёр цаг хагас үргэлжилсэн тус ёслолын ажиллагаанд алдарт “Coldplay” хамтлаг голлох үүргийг гүйцэтгэжээ. Мөн дуучин Рианна рэппер Jay-Z болон “Coldplay” хамтлагтай хамтран дуулснаас гадна тус хамтлагийг "Viva La Vida" дуугаа дуулахад нь олон орны уран бүтээлчид тэдэнтэй нэгдсэн байна.
Өмнө нь болж байсан паралимпын бусад арга хэмжээнээс ялгаатай нь наадамд оролцсон бүх 4200 тамирчин гол тайзыг тойрон сууцгааж тоглолтыг хамгийн ойроос үзэж сонирхжээ.
Олон улсын паралимпын хорооны ерөнхийлөгч Филип Крэйвен ёслолын арга хэмжээг хааж “энэ наадам биднийг өөрчиллөө” хэмээн хэлээд зохион байгуулагч улсад баярлаж талархсанаа илэрхийлсэн байна.
Зохион байгуулагчдын ярьж буйгаар Лондонд болсон энэхүү наадам паралимпын түүхэн дэх хамгийн амжилттай зохион байгуулагдсан арга хэмжээ болжээ. Нийт 2,7 сая тасалбар борлуулснаараа түүхэнд бичигдэхүйц том амжилт болсон байна. Мөн хаалтын арга хэмжээний тасалбар нь бүрэн зарагдаж дууссан байжээ.
Паралимпын наадмын үеэр Лондон хотноо хөгжлийн бэрхшээлтэй иргэдэд зориулан тээврийн дэд бүтцэд өөрчлөлт хийсэн бөгөөд үүний тусламжтай тэд тус хотод зорчихдоо бусдын тусламжгүйгээр бүрэн чөлөөтэй зорчих боломжтой болсон байна.
Наадамд хамгийн амжилттай оролцсон улсаар БНХАУ тодорсон бөгөөд нийт 231 медаль буюу 95 алт хүртсэн тус улс медалийн тоогоороо тэргүүлсэн бол ОХУ 36 алт буюу нийт 102 медальтайгаар хоёрдугаар байранд орсон байна. Харин зохион байгуулагч орон болох Их Британи 34 алт, нийт 120 медальтайгаар гуравдугаарт бичигджээ. Манай улс энэ удаагийн Паралимпын наадамд медаль хүртээгүй ч байт харваанд эх орноо төлөөлөн оролцсон Б.Жавзмаа дөрөвдүгээрт шалгарсан билээ.
А.Цацрал
