Орост огт мэдэхгүй Америкийн жүжигчин Салли Стратчерс умард хөршид их нэрд гарч мэдэхээр байна. Тэр Алла Пугачёватай усны дусал шиг адилхан ажээ. Интернэтээр Алла Пугачёва болон Салли Стратчерс хоёр адилхан тухай сэдвээр инээдэмтэй элдэв зураг, эвлүүлэг цуглуулж байна. Саллийг согтуугаар машин барьж явсан тухай мэдээг дагалдуулан тавьсан түүний гэрэл зураг ингэж дуулиан тарих шалтгаан болжээ. Энэ явдал саяхан болсон байна. Салли Стратчерс 160 доллараар торгуулж, гэхдээ хэргийг нуун дарагдуулж чадаагүй байна. Тийнхүү тэр хуулийн өмнө хариуцлага хүлээхээр ирэх арванхоёрдугаар сарын 14-нд шүүхэд ирэх болж байгаа. Жүжигчин 500 доллараар торгуулах юм уу 90 хоног эрхээ хасуулж магадгүй гэцгээж байна. Харин шоронд суух магадлал байгаа эсэх тухай мэдээлэхгүй байна. Харин 65 настай Салли Стратчерс, 63 настай Алла Пугачёва хоёр үнэхээр ихэр юм шиг адилхан юм. Энэ нь энгийн нүдэнд ч тодорхой харагдаж байна. Хэт сониуч хүмүүс ч Стратчерсийн тайзны зургуудыг яаж ийгээд олж, гадна төрх, ойролцоо насны зэрэгцээ, этгээд хувцаслалт, зан төрхөөрөө хоёр жүжигчин адилхан юм гэсэн дүгнэлт хийжээ.
Бэлтгэсэн Э.Гэрэл