“Дэлхийн мисс 2012” тэмцээнд эх орноо төлөөлөн оролцсоноор мисс хэмээх цолтой болсон жүжигчин Х.Баярмаа тун ч эелдэг нэгэн гэнэ.
Ямар нэгэн тэмцээн уралдаанд амжилт үзүүлээгүй ч нэг л өглөө “Дэлхийн мисс”-ийн тэмцээнд оролцох хүнээр сонгогдчихсон байсан түүнийг дагасан хэл ам одоо ч тасраагүй байгаа.
Шооч нэгэн нь түүнд “титэмгүй мисс” хэмээх нэр хүртэл хайрлаад амжсан байна. Гэвч мисс Х.Баярмаа энэ талаар эвгүй яриа гаргаж, үг өдсөн хүмүүст тун ч эелдэгхэн хариу өгдөг гэнэ.
Тэрбээр үзэл бодлоо ширүүхэн илэрхийлдэг ч ард талд нь заавал “Таныг хүндэтгэсэн Хүсэлбаатарын Баярмаа” гэж хэлдэг аж. Тиймээс ч түүнтэй яриа үүсгэсэн хүмүүс “Мисс хүн хэрэлдэхдээ хүртэл эелдэг байдаг байх нь” хэмээн шивэр авир гэлцэх болжээ.
Эх сурвалж: "Өглөөний Сонин"
