Гуа Баожинг хил давуулсан этгээдүүд Хятадын мафийн бүлэглэлийнхэн байж магадгүй гэж хуулийн хүрээнийхэн ярилцаж байна
Одоогоос хоёр жилийн өмнө БНХАУ-ын иргэн Монгол Улсын хилээр их хэмжээний хушны самар гаргах гэж байгаад баригдсан. Гэтэл энэ хэрэг өнөөдрийг хүртэл шийдэгдээгүйгээр үл барам, эзэн холбогдогч нь ор сураггүй болчихжээ. Үүнийг цагдаагийнхан нууцалж байсан нь саяхан тодорхой болж, Монголын эрүүгийн ертөнцөд “Самрын” гэх тодотголтой хэрэг дахин шуугиан тарьж эхэллээ.
Самартайгаа алга болсон хятад иргэний сураг гарсангүй
Хэргийг нэхэн тодруулъя. Хятад улсын иргэн Гуа Баожин гэгч 2010 оны өвөл их хэмжээний самрыг хил давуулах гэж байхад манай хууль хяналтын байгууллагынхан шуурхай ажиллаж, газар дээр нь илрүүлсэн байдаг. Үйлдэл дээр нь, шууд нотлох баримттайгаар илрүүлсэн гэдэг утгаар уг хэрэгт тагнуулынхан эрүүгийн хэрэг үүсгэж, самрыг нь битүүмжлэн, хадгалсан.
Гэтэл эрүүгийн гэмт хэргийн сэжигтэн, самрын наймааны гол эзэн холбогдогч Гуа Баожин батлан даалтад торох юмгүй гарч, нэг их удалгүй оргон зайлсан аж. Хамгийн ээдрээтэй, бас хачирхалтай нь Гуа Баожиныг алга болохтой зэрэгцэн мөнөөх битүүмжилсэн самар ч сураг алдарсан байх юм.
Энэ хэрэг ийнхүү сунжирсаар сая нэг юм Гуа Баожины сураг бүдэг бадаг гарчээ. Эх сурвалжийн мэдээлж буйгаар, Гуа Баожинг батлан даалтад байх хугацаанд манай улсын хоёр иргэн түүнтэй их л учиртай уулздаг байж.
Мөн түүнийг хил даван зугтахад нутаг нэгтнүүд нь оролцож, бараг л кинонд гардаг шиг нууц ажиллагаа зохион байгуулсныг Монголын цагдаа, тагнуулууд мэдэх нь бүү хэл зүүдлээ ч үгүй гэх.
Энд нэг ноцтой мэдээлэл байгаа нь, Гуа Баожинг хил давуулсан этгээдүүд Хятадын мафийн бүлэглэлийнхэн байж магадгүй гэж хуулийн хүрээнийхэн ярилцаж байна. Гадаад харилцааны яаманд ирсэн албан мэдэгдэлд дээрх хоёр хятад иргэнийг хүн хулгайлсан хэмээн шүүж, хорих ял оноосон гэж тодорхойлсон аж. Үүнээс харахад Монголд дураараа дургиж буй хятадууд мафийн сүлжээг ч оруулж ирсэн байхыг үгүйсгэх аргагүй юм.
Хэрэг хуучирдаггүй
УПЕГ-аас Гуа Баожины хэргийг дахин сэргээж, түүнтэй холбоотой бүхнийг шалгахаар болсон нь Монголын баялгийг хэн дуртай нь цөлмөж болдог гэж ойлгосон гадныханд сургамж болов.
Ер нь хятадууд Монголоос хаш, мана, булга, минжний арьс, хөлдүү чоно, Хар ус нуурын загас, хушны самар гээд аль өнгөтэй бүхнийг ил, далдаар хил давуулсаар байгаа.
Тухайлбал, олны дунд “27 вагон самрын хэрэг” гэж алдаршсан наймааг гардан хийх гэж байсан хятадыг саатуулж чадсан. Харамсалтай нь, бас л алдчихсан. Түр саатуулах байрны төмөр хаалгыг эвдлээд, эсвэл гааль дээр манайхны тархийг эргэтэл хуураад гараад явчихсан гэвэл итгэхэд бэрх. Үүнээс үзэхэд “Эдгээр хэрэгтний гар хөл болсон, бүр бизнесийнх нь түнш байж мэдэх нөхөд манай томчуудын хүрээлэлд байгаа” гэх яриа үнэний ортой мэт санагдана. Тэгэхээр Гуа Баожины хэргийг дахин сэргээж буй прокурорын байгууллага хэргийг сайтар нягталж, Монголын хууль хүчтэй, баялаг нь зөвхөн ард түмнийх гэдгийг батлах нь чухал юм.
Ямартай ч дээрх хятад иргэний талаарх мэдээллийг бид дараагийн дугаартаа мэдээлэх болно.
Одоогоос хоёр жилийн өмнө БНХАУ-ын иргэн Монгол Улсын хилээр их хэмжээний хушны самар гаргах гэж байгаад баригдсан. Гэтэл энэ хэрэг өнөөдрийг хүртэл шийдэгдээгүйгээр үл барам, эзэн холбогдогч нь ор сураггүй болчихжээ. Үүнийг цагдаагийнхан нууцалж байсан нь саяхан тодорхой болж, Монголын эрүүгийн ертөнцөд “Самрын” гэх тодотголтой хэрэг дахин шуугиан тарьж эхэллээ.
Самартайгаа алга болсон хятад иргэний сураг гарсангүй
Хэргийг нэхэн тодруулъя. Хятад улсын иргэн Гуа Баожин гэгч 2010 оны өвөл их хэмжээний самрыг хил давуулах гэж байхад манай хууль хяналтын байгууллагынхан шуурхай ажиллаж, газар дээр нь илрүүлсэн байдаг. Үйлдэл дээр нь, шууд нотлох баримттайгаар илрүүлсэн гэдэг утгаар уг хэрэгт тагнуулынхан эрүүгийн хэрэг үүсгэж, самрыг нь битүүмжлэн, хадгалсан.
Гэтэл эрүүгийн гэмт хэргийн сэжигтэн, самрын наймааны гол эзэн холбогдогч Гуа Баожин батлан даалтад торох юмгүй гарч, нэг их удалгүй оргон зайлсан аж. Хамгийн ээдрээтэй, бас хачирхалтай нь Гуа Баожиныг алга болохтой зэрэгцэн мөнөөх битүүмжилсэн самар ч сураг алдарсан байх юм.
Энэ хэрэг ийнхүү сунжирсаар сая нэг юм Гуа Баожины сураг бүдэг бадаг гарчээ. Эх сурвалжийн мэдээлж буйгаар, Гуа Баожинг батлан даалтад байх хугацаанд манай улсын хоёр иргэн түүнтэй их л учиртай уулздаг байж.
Мөн түүнийг хил даван зугтахад нутаг нэгтнүүд нь оролцож, бараг л кинонд гардаг шиг нууц ажиллагаа зохион байгуулсныг Монголын цагдаа, тагнуулууд мэдэх нь бүү хэл зүүдлээ ч үгүй гэх.
Энд нэг ноцтой мэдээлэл байгаа нь, Гуа Баожинг хил давуулсан этгээдүүд Хятадын мафийн бүлэглэлийнхэн байж магадгүй гэж хуулийн хүрээнийхэн ярилцаж байна. Гадаад харилцааны яаманд ирсэн албан мэдэгдэлд дээрх хоёр хятад иргэнийг хүн хулгайлсан хэмээн шүүж, хорих ял оноосон гэж тодорхойлсон аж. Үүнээс харахад Монголд дураараа дургиж буй хятадууд мафийн сүлжээг ч оруулж ирсэн байхыг үгүйсгэх аргагүй юм.
Хэрэг хуучирдаггүй
УПЕГ-аас Гуа Баожины хэргийг дахин сэргээж, түүнтэй холбоотой бүхнийг шалгахаар болсон нь Монголын баялгийг хэн дуртай нь цөлмөж болдог гэж ойлгосон гадныханд сургамж болов.
Ер нь хятадууд Монголоос хаш, мана, булга, минжний арьс, хөлдүү чоно, Хар ус нуурын загас, хушны самар гээд аль өнгөтэй бүхнийг ил, далдаар хил давуулсаар байгаа.
Тухайлбал, олны дунд “27 вагон самрын хэрэг” гэж алдаршсан наймааг гардан хийх гэж байсан хятадыг саатуулж чадсан. Харамсалтай нь, бас л алдчихсан. Түр саатуулах байрны төмөр хаалгыг эвдлээд, эсвэл гааль дээр манайхны тархийг эргэтэл хуураад гараад явчихсан гэвэл итгэхэд бэрх. Үүнээс үзэхэд “Эдгээр хэрэгтний гар хөл болсон, бүр бизнесийнх нь түнш байж мэдэх нөхөд манай томчуудын хүрээлэлд байгаа” гэх яриа үнэний ортой мэт санагдана. Тэгэхээр Гуа Баожины хэргийг дахин сэргээж буй прокурорын байгууллага хэргийг сайтар нягталж, Монголын хууль хүчтэй, баялаг нь зөвхөн ард түмнийх гэдгийг батлах нь чухал юм.
Ямартай ч дээрх хятад иргэний талаарх мэдээллийг бид дараагийн дугаартаа мэдээлэх болно.
