Өдгөө спортын ертөнцөд анхаарлын төвд буй чөлөөт бөхийн спортыг олимпийн хөтөлбөрөөс хасах тухай дуулиант мэдээлэлтэй холбогдуулан ОХУ-ын бөх Сагид Муртазалиев олимпийн аваргын алтан медалиасаа татгалзжээ. 2020 оны зуны олимпийн наадмаас эхлэн чөлөөт бөхийн спортыг олимпийн хөтөлбөрөөс хасах тухай ОУОХ-ны шийдвэрийг эсэргүүцсэн тэрбээр 2000 оны Сиднейн олимпиос хүртсэн алтан медалиа ОУОХ-нд илгээсэн тухай “R-Sport” мэдээлжээ. Тэрбээр ОУОХ-ны ерөнхийлөгч Жак Роггед хаягласан захидалдаа “Хөлс хөдөлмөрийнхөө үр шимийг хүртэж, олимпийн наадмаас хүртсэн алтан медалиасаа татгалзах нь миний хувьд амаргүй шийдвэр байлаа. Гэхдээ сайтар бодож, эргэцүүлсний эцэст Болгарын домогт бөх Валентин Йордановын жишээг дагах нь зүйтэй гэж шийдлээ” хэмээн бичжээ.