Монголчуудын баяр наадмын улирал ид дундаа орж байна. Шинэ жилийн баяраас хойш ганц сар завсарлаад л угсарсан олон баяр, ой, арга хэмжээ, эрхийн, хуулийн өдрүүдийг тэмдэглэж ирэв. Одоо хэд гурав хоноод Цэргийн баяр, Хэвлэлийн эрх чөлөөний өдрийг тэмдэглэнэ. Түүнчлэн томоохон компаниуд, байгууллагуудын түүхт ойн баярт бялууртлаа наадах нь нь. Тухайлбал, “Алтай Констракшн” ХХК-ийн 15 жилийн ой гуравдугаар сарын 16-ны өдөр тохиож буй аж. Тус компанийн ерөнхий захирал Х.Бат-Эрдэнэ энэ өдөр нэг нас нэмэх бол хэдхэн хоногийн өмнө болж өнгөрсөн “Дүнжингарав-2013” их хурдад шандаст хүлэг нь айрагдаж, торгон жолоогоо өргүүлсэн билээ. Мөн Х.Бат-Эрдэнэ сар шинийн баярын өмнөхөн МУ-ын ерөнхийлөгчийн зарлигаар Тод манлай уяач цол хүртсэн юм. Тиймээс тэрээр давхардсан их баяруудаа нэгтгэн, хурдан морины уралдаан, хүчит бөхийн барилдаан зохион байгуулж, хөлгүй их найр хийхээр болсон гэнэ. Од хийморь нь гийж яваа “Алтай констракшн”-ын ерөнхий захирал Х.Бат-эрдэнэд уншигчдынхаа өмнөөс ажлын амжилт, сайн сайхан бүхнийг хүсэн ерөөе.
Ш.Гонгор www.shuum.mn