Эрүүл хүний хэлэн дээр нимгэн өнгөр үргэлж тогтдог. Энэ нь ч бас учиртай.  Нимгэн өнгөр биед гадны халдвар орсон ч цааш тархаж амжаагүйг илэрхийлдэг бол өтгөрч, зузаарсан нь хүнд архаг өвчин туссаныг илтгэдэг байна. Хэлний өнгөрөөр ямар өвчин туссаныг мэдэх боломжтой ажээ.

Жишээ нь:

-Хэлний өнгөр нягтаршсан бол хөнгөн хэлбэрийн вируст болон архаг өвчин туссан байж болзошгүй. Ханиад томуу, зарим үед энэ нь уушиг үрэвсэж эхэлсэнийг илтгэх юм.

-Хэлний өнгөр ямар өнгөтэй байгааг анхаар. Шардуу өнгөртэй байвал хоол боловсруулах системд өөрчлөлт орсон байж болзошгүй. Хэрэв хурц шар өнгөтэй байвал өвчин нэлээд хүнд шатандаа орсны шинж. Хэлний ийм өнгөр тав хоногийн турш арилахгүй бол элгээ шинжлүүлээрэй.

-Хөх өнгө. Цусан суулга, халдварт өвчин туссан байж болно. Үүний сацуу өнгөр хаана хамгийн их тогтсоныг анхаараарай. Хэлний угт байвал нарийн бүдүүн гэдэсний үрэвсэлтэйн шинж байх жишээтэй.

-Хүрэн өнгө. Хэлний хаяагаар хүрэн өнгөтэй өнгөр тогтсон бол хатгаа авсан байх магадлалтай.

-Бор өнгө. Ходоод гэдэсний замд асуудал үүссэнийг сануулна.

-Хэлний ар хэсгээр өнгөртвөл бөөр муудсаны шинж тэмдэг.

-Хэлний дунд ан цав гарч цагаан өнгөний өнгөр тогтвол ходоод 12 нугалаа гэдэс шархалж, үрэвссэн байж болно.