Холливудын хамгийн сайхан бүсгүйчүүдийн нэг гэгддэг жүжигчин, загвар өмсөгч, дуучин Скарлетт Йоханссон сэтгүүлч Ромэн Дориактай гэрлэхээр болжээ. Франц залуу нэрт жүжигчний сэтгэл зүрхийг эзэмдэж, улмаар тэд сүй тавьсан талаар "People" сэтгүүл мэдээлэв. Одоо 28 настай Скарлетт Венецийн кино наадмын улаан хивсний ёслолд оролцох үеэрээ ядам хуруундаа үнэт эрдэнийн шигтгээтэй бөгж зүүсэн нь Дориакийн сүйн бэлэг байсан аж.
Гэхдээ одоогоор Скарлетт болон түүний дурлалт залуу гэрлэх гэж байгаа талаараа ямар ч мэдээлэл өгөөгүй байна. Йоханссон 2008 онд жүжигчин Райан Рейнольдстой гэрлэсэн ч салсан. Харин сүүлийн нэг жил гаруйн хугацаанд сэтгүүлч залуутай үерхэж байгаа юм.
РАЛЬДИЙ.А /shuum.mn/
