“UBS” телевизээс уламжлал болгон зохион байгуулдаг “Universe Best Songs” наадам энэ жил зургаа дахь жилдээ амжилттай зохион байгуулагдлаа. Энэ жил “Best of the Best” нэртэйгээр үе үеийн шилдэг оролцогчдын дунд зохион байгуулж,  шилдгийн шилдэг 25 оролцогчийг  тодруулсан бөгөөд дээрх шилдэг оролцогчдын гала тоглолт болж өнгөрлөө. Түүнчлэн “Best of the Best” наадмын “шилдгийн шилдэг”-ээр дуучин А.Хишигдалай тодорч цомын эзэн боллоо. Тэрбээр  “Universe Best Songs 2011” наадмын шилдэг оролцогчдын нэг юм. Сүүлийн үед А.Хишигдалайгын хийж буй уран бүтээл болгон залуусын дунд хит болж байгаа бөгөөд өвөрмөц содон хоолойгоор үргэлж ялгарч чаддаг чадварлаг дуучин юм.