Шинэчлэлийн Засгийн газрын 11-11 утсанд ирдэг санал гомдлууд дундаас Гаалийн байгууллагатай холбоотой дараах гурван төрлийн гомдол зонхилдог гэсэн мдээлэл байдаг. Түүний дотор Шуудангийн гаалиар орж ирсэн илгээмжээс Гаалийн улсын татвар авч байгаа талаар. Иргэд гадаадад амьдарч буй хамаатнаасаа ирсэн хуучин эд зүйлсийг авахын тулд гаалийн татвар төлөхгүй байх хүсдэг байна. Мөн Гаалийн улсын байцаагч нарын харилцааны соёл ихээхэн доголдолтой, Замын–Үүд болон Гашуунсухайтын боомтууд ачаалал ихтэй, иргэд удаан хүлээж бухимдал ихтэй байгаа талаархи гомдлууд их байдаг ажээ.
Тэгвэл өнөөдөр буюу араюдугаар сарын 15-ны 11 цагт 11 11 төвд Гаалийн ерөнхий газрын дарга О.Ганбат ажиллахаар болжээ. Тэрээр иргэдийн асуултад хариулах тул та сонирхсон асуултаа http://live.11-11.mn/ цахим хаягаар болон 11-11 дугаарын утсаар илгээх боломжтой юм.
