"Өнөөдөр Шинжлэх Ухааны Музей дээр Мэдээллийн Эрин Үе үзэсгэлэнг нээсэндээ таатай байна. Хүмүүс энд зочлохдоо таатай байна гэдэгт итгэж байна. Элизабет Р."

Их Британийн хатан хаан Элизабет @BritishMonarchy хаягийг ашиглан анх удаа жиргэж, Лондон хотын Шинжлэх Ухааны Музейн томоохон шинэ үзэсгэлэнгийн талаар зарласан нь энэ юм. Тус үзэсгэлэн дээр очсон хүмүүс телеграфаас авахуулаад ухаалаг гар утас хүртэл орчин үеийн харилцаа холбооны түүхийг харуулсан эд зүйлсийг сонирхож болох юм байна.

Мэдээлэл, технологийн эрин зуунд мэдээлэл солилцох хамгийн хүчирхэг хэрэгслүүдийн нэг болоод буй Twitter-ийн идэвхтэй хэрэглэгчдийн тоо 2010 оны 1-р улиралд ердөө 30 сая байсан бол 2014 оны 2-р улиралд 271 сая болж өсөөд байгаа юм.

РАЛЬДИЙ.А /shuum.mn/