Залуусыг араасаа байлдан дагуулж чадсан Twilight киноны од Кристен Стюартын зураг Английн Gentlemen's Quarterly буюу GQ сэтгүүлийн 11-р сарын дугаарын нүүрэнд тавигдах гэнэ. The Twilight Saga: Breaking Dawn Part 1 кинонд тоглосон 21 настай жүжигчин ретро стилийн тачаангуй бикини өмсөн, уруулаа час улаанаар будаж, хар өнгийн дотуур хувцас өмсөн зургаа авахуулжээ. Стюарт өөрийнхөө энэхүү "хувьсал" өөрчлөлтийнхөө талаар ямар бодолтой байгаа юм бол?

 

"Би удаан хугацаанд эрэгтэй хүн шиг харагддаг байсан, одоо эмэгтэй хүн гэдгээ мэдэрч байна" хэмээн тэрээр GQ сэтгүүлд ярилцлага өгөх үеэрээ хэлсэн байна. Фенүүд нь супер одыг хагас нүцгэн байхыг анх удаа харж байгаа нь энэ биш юм.  Тэрээр Америкийн зохиолч Стефение Мэйрийн The Twilight Saga зохиолын сүүлийн буюу дөрөв дэх хэсгээр сэдэвлэсэн, ирэх зун нээлтээ хийх Breaking Dawn Part 2 киноны нэг хэсэгт Роберт Паттинсоны хамт бал сарын үеэрээ далайн эрэг дээр усны хувцас өмсөн дүрсгүйтэж байгаа нь гардаг аж.

Э.АМАР