Жүжигчин Брэд Пит, Анжелина Жоли нар дайны хөлд нэрвэгдсэн Сомали улсад амьдарч буй орон гэргүй хүүхдүүдэд үзүүлэх эрүүл мэндийн тусламж үйлчилгээний зардалд зориулж 339.000 доллар хандивлалаа.  Сүүлийн 60 жил тохиогоогүй гангаас болж Сомалид өлсгөлөнгийн аюул нүүрлээд байгаа бөгөөд НҮБ-ын мэдээлснээр ирэх саруудад энэ улсад 750.000 хүн өлсгөлөнгөөс болж амь насаа алдах эрсдэлтэй байгаа юм.
¬Humanitarian Initiative Just Relief Aid тусламжийн байгууллагын ажилтан Мохамед Дахирын хэлснээр Могадишу хот дахь Бадбадо лагерт өдөрт ойролцоогоор 300 хүүхэд эмэгтэйчүүдэд эрүүл мэндийн тусламж хүргэж байгаа юм байна. Мөн тэрээр Холливүдийн оддын Жоли-Пит сангийн хандив хүмүүсийн амийг аврах ажилд тус нэмэр болно гэдгийг хэлсэн байна.
Ган, түүнээс үүдэлтэй өлсгөлөнгөөс болж өнөөг хүртэл Сомалийн өмнөд хэсэгт амьдардаг таваас  доош насны 29.000 гаруй хүүхэд амь үрэгдсэн тухай тооцоо судалгаа гарчээ.

Э.АМАР