Улаанбаатар хотод үйл ажиллагаа явуулдаг зарим байгууллага нийслэл хотынхоо 376 насны төрсөн өдөрт зориулсан баярын парадад жагслаа. Үүнийг “Номин” ХХК-ийн хамт олон зохион байгуулж, Монголын Үндэсний Маркетингийн Холбоо, “Аса” цирк, Монголын хүүхэлдэйн театр, СУИС, ЦДБЭЧ-ын үлээвэр найрал хөгжимчид, UBS, ETV телевиз зэрэг хамт олон хамтран оролцов. Монголын Үндэсний Маркетингийн Холбооны хувьд Монголын сайтын холбоогоороо (www.Breakingnews.mn, www.Zone.mn)-ээр дамжуулж шуурхай шурвалжилсан билээ.   

Парад УИД-ийн өмнөөс Цэцэг төвийн уулзвар, Анкарагийн гудамж, СУИС, Чингисийн талбай гэсэн маршрутаар явагдаж, эзэн богд Чингис хааныхаа хөшөөнд хүндэтгэл үзүүлснээр өндөрлөсөн юм. Харин маргааш Нийслэлийн Засаг даргын нэрэмжит "Их нүүдэл" нэртэй шатрын тэмцээн Худалдаа аж үйлдвэрийн танхимд 14:00 цагт зохиогдоно. 

У.Баяр