Этгээд сонин стиль, хит дуунуудаараа залуусыг байлдан дагуулдаг дуучин Лэди Гага Хойд Ирландын нийслэл Белфаст хотод зохиогдсон MTV-н Europe Music Awards дээр цахиур хагалж, дөрвөн шагналын эзэн болсон байна. Америкийн поп дуучин Одиссей Арена цэнгэлдэхэд зохиогдсон урлагийн арга хэмжээн дээр шилдэг дуу, шилдэг клип, шилдэг эмэгтэй уран бүтээлч зэрэг шагналуудыг хүртжээ. Тэрээр хэд хэдэн өвөрмөц загвартай хувцсаар гангарсан байна. Энэ удаа хөтлөгч хийсэн залуу дуучин Селена Гомз ч түүнээс дутсангүй хэд хэдэн удаа хувцсаа сольжээ.  Харин түүний найз залуу Жастин Бибер болон R&B дуучин Бруно Марс нар тус бүр хоёр шагнал авсан байна.
Түүнчлэн дуучин Кэти Перри, Еминем болон Линкин Парк хамтлаг шагналын эзэд болжээ. Арга хэмжээг нээж Coldplay хамтлаг Every Teardrop Is A Waterfall дуугаа дуулсан байна.
Э.АМАР