Ойрын өдрүүдэд цасаар шуу­рах бөгөөд салхи, шуургатай үед иргэд шуурганд төөрөх, мал­тайгаа уруудах, осгох, амь насаа алдах зэрэг эрсдэлээс урьдчилан сэргийлэх, бага насны хүүхдийг хараа хяналт­гүй орхихгүй байхыг Онцгой байдлын ерөнхий газраас ан­хаа­руулж байна.
Энэ сарын 25-26-нд баруун бо­лон төвийн нутгаар, 27-нд зарим газраар цас орж цасан шуурга шуурч, салхи 26-нд нутгийн баруун хагаст, 27-нд ихэнх нутгаар түр зуур секундэд 16-18 метр хүртэл ширүүснэ.
Тиймээс тээврийн хэрэгс­лийн жолооч нар батлагдсан зам марш­рутын дагуу зорчих, тех­никийн бүрэн бүтэн байдал, зор­чигчдын аюулгүй байд­лыг хангах, автозамын нөхцөл бай­дал хүндрэлтэй байгааг анхаарах; /дулаан хувцас, бензин шатахууны нөөцтэй байх хэрэгтэйг ч сануулав. Хэдийгээр нийт нутгаар гол мөрөн нууран дээр битүү мөсөн бүрхүүл тогтож, мөстсөн байгаа хэдий ч уур амьсгалын өөрчлөлт, дулааралтай холбоотойгоор энэ жилийн хувьд мөсний зузаан олон жилийн дунд­жаас харьцангуй нимгэн байгаа учир мөсний даац хүн, мал, автомашиныг зорчиход мөс цөмрөх аюултай байгааг анхааруулж байна.
Иймд, иргэд, малчид, жолооч тээвэрчдэд анхааруулахад зам, цаг товчлох хэлбэрээр гол мөрөн гаталж баталгаагүй зам гүүрээр зорчсоноос гол мөрөнд осолдох, цөмрөх тохиолдол өвлийн улиралд их байдаг. Тиймээс баталгаатай зам, гүү­рээр зорчиж мөсөн дээгүүр тээвэр­лэлт хийхгүй байхыг ОБЕГ-аас анхааруулж байна.
Д.Эрдэнэ
МОНЦАМЭ