Канадын порно од Санни Леоне Энэтхэгт ёстой шуугиулж байна. Олон сая шүтэн бишрэгчтэй болж чадсан тэрээр Big Brother шоуны Энэтхэг хувилбар  Bigg Boss-ын ялагчаар тодорчээ.
Канадын Онтарио мужид төрсөн Санни Леоне буюу Карен Малхотра нь The Dark Side of the Sun, Not Charlie's Angels XXX болон Sunny Slumber Party зэрэг кинонуудаараа олон танигдсан эмэгтэй юм.  Мөн эрчүүдийн Максим сэтгүүл түүнийг 2010 оны шилдэг 12 порно одын нэгээр нэрлэжээ.
Энэтхэгийн кино болон телевизийн шоунуудад ямар нэг ёс журамгүй гэж үзсэн зүйлийг хууль ёс зүйг зөрчинө хэмээн хориглодог. Гэхдээ энэ нь 30 настай жүжигчнийг Bigg Boss 5 шоуны гол баатар болохыг зогсоож чадсангүй. Энэтхэгт түүний нэрийг  Google сайт дээр хамгийн олон удаа хайжээ.
Өнгөрсөн долоо хоногт Леоне Болливүдийн анхны кинондоо тоглохоор болсон байна.
Ихэнх Энэтхэгчүүд түүнийг насанд хүрэгчдийн кинонд тоглосон гэдгээр нь мэдэж магадгүй ч Леоне энэ тухайгаа шоунд хамт оролцогчдоосоо нууж, өөрийгөө жүжигчин, загвар өмсөгч гэж танилцуулжээ.
Bigg Boss шоунд Памела Андерсон, Жэйд Гүүди нар оролцож байсан юм.
Э.АМАР