Мөрөөдлийн хотхон монтессоры цэцэрлэг үйл ажиллагаагаа явуулаад дөрөв дэх жилийнхээ нүүрийг үзэж буй ч амжилтаараа бусад цэцэрлэгээсээ ялгарах болжээ. Тус цэцэрлэг монтессоры сургалтыг анхлан нэвтрүүлж, хүүхэд багачуудын бие хүн болон төлөвшихөд ихээхэн үр дүнтэй, ахицтай ажиллаж байгаа аж. Тус цэцэрлэгт хүмүүжиж буй хүүхдүүд дуулж, бүжиглэж сурахын зэрэгцээ бие даах чадвар нь эрс сайжирч, тэвчээр хатуужлыг сурч, англи хэл, төгөлдөр хуур, шатар, бүжгээр хичээллэж байна. Мөн түүнчлэн өөрийгөө илэрхийлэх, бусдынхаа үгийг сонсох, бие даан шийдвэр гаргах зэрэг бие хүнд зайлшгүй эзэмших зан төлөвшлийг олж буй нь эцэг эхчүүдийн талархлыг хүлээдэг байна. Мөн тус хамт олон олон чадварлаг багш заах аргазүйчдээр багаа бүрдүүлэн жил бүр гадаад дотоодын мэргэжлийн ур чадвар дээшлүүлэх сургалт семинарт хамруулдаг байна.


Түүнчлэн Монголын Маркетинг менежментийн хүрээлэнгээс зохион байгуулдаг Гранд экспо фествалийн 2008, 2009 оны шилдэг цэцэрлэг өргөмжлөлийг хүртсэн бол өнгөрсөн жил Хувийн хэвшлийн цэцэрлэгүүдийн холбооны шилдэгийн шилдэг есөн цэцэрлэгийн нэгээр шалгарсан амжилт үзүүлжээ. Тус цэцэрлэг өөрийн зориулалтын байранд үйл ажиллагаагаа явуулж, хүүхдүүдийг байнга мэргэжлийн эмчийн хяналтанд байлгаж, элдэв төрлийн өьчлөлөөс урьдчилан сэргийлж ажилладаг бөгөөд өдөр бүр чийрэгжүүлэх, физик эмчилгээг хийж үйлчилдэг нь эцэг эхчүүдэд ихээхэн таалагддаг гэнэ. Он солигдох мөчид тус цэцэрлэгийн хүүхэд багчууд хуучин оноо үдэж, шинэ оноо угтан сүлд модны наадмаа хийжээ. Тэрхүү наадмын сонирхолтой зургуудаас Шуум.мн нийлэн хүргэж байна.

Фото мэдээг ЭНД-ээс үзнэ үү...>>>