Мариа Кэригийн нөхөр Ник Каннон бөөрний дутагдал өвчнөөр өвдөж, эмнэлэгт хэвтжээ. 31 настай Каннон шинэ оны эхний долоо хоногийг Колорадо мужийн Аспен хотын эмнэлэгт өнгөрүүлж байна.
41 настай дуучин Мариа Кэри твиттер хуудсандаа Каннон бөөрний дутагдлын хөнгөн хэлбэрээр өвдсөн гэж бичжээ. Мөн тэрээр өөрийн вэбсайтдаа нөхөртэйгөө эмнэлгийн орон дээр цуг хэвтэж байгаа бүдэг зургаа тавьсан байна.
Мариа нөхөр нь өвдсөнйг бид бүгдэд хүндээр тусч байна гэж ярьжээ.
2008 оны дөрөвдүгээр сарын 30-нд гэрлэсэн Мариа Каннон хоёр өнгөрсөн жил ихэр охин, хүүтэй болсон юм. Тэд гэрлэхээсээ өмнө зургаан долоо хоног л болзжээ.
Э.АМАР