Даваа гаригийн орой дуучин Мадонна өөрийн найруулсан W/E киноныхоо нээлтийн ажиллагаанд оролцсон байна. Тэрээр Нью-Йоркт болсон улаан хивсний ёслолд найз залуу Брахим Зайба болон охин Лоурдесын хамт хүрэлцэн иржээ. Алдартай дуучин наймдугаар Эдвард хаан болон түүнээс салсан Уоллис Симпсон нарын хайрын түүхийг өгүүлдэг киногоо найруулахын тулд түүхийн судалгаа хийсэн байна.
Түүний найруулсан кинонд Abbie Cornish болон Oscar Isaac нар зөгнөлт дүрүүдийг бүтээжээ.
Мадонна Алтан Бөмбөрцөг наадмаас шилдэг дууны төрөлд шагнал хүртсэн аж. Энэ төрөлд түүнээс гадна Элтон Жон нэр дэвшсэн байна. Түүний хамтрагч Дэвид Фүрниш шагналыг Мадоннад олгосон нь шударга бус байсан гэж мэдэгджээ. Гэхдээ хожим нь тэрээр хэлсэн үгээ буцаасан байна.
Мадонна хэсэг хугацаанд түүхийн судалгаа хийж, кино зохиол бичилцсэнийхээ дараа W/E киногоо найруулж эхэлсэн бөгөөд энэ кинонд түүний хэдэн жилийн хөдөлмөр шингэжээ. Аялан тоглолт хийх, шинэ цомог гаргах ажилдаа бэлтгэж байгаа дуучин киноныхоо нээлтийг хийснээр ийнхүү нэг томоохон ажлынхаа ард гарлаа.
W/E кино хоёрдугаар сарын гуравнаас эхлэн Америкийн театруудаар гарч эхлэх юм байна.
Э.АМАР