Канадын залуу дуучин Жастин Биберийн 18 насны төрсөн өдрөөр Холливүүдийн Мадам Туссадс буюу лаан барималын музейн уран бүтээлчид  Биберийн лаан баримал бүтээснээ олонд ил болголоо. Үүнтэй зэрэгцээд Нью-Йорк, Амстердам, Лондонгийн Мадам Туссадсдад лаан барималын музейд Жастин Биберийн лаан барималын нээлт болсон байна. Нээлтийн ажиллагаан дээр 14 настай Алиша Пурдом амьд хөгжмөөр ая дуугаа өргөжээ. Дараа нь түүний шүтэн бишрэгчид лаан барималтай зургаа татуулсан байна. Пoп, R&B стилийн  дуучин, жүжигчин, хөгжмийн зохиолч  Жастин Бибер 1994 оны 3 сарын 1-нд Канадын Онтарио мужийн Лондон хотод төржээ. Менежер Скүүтер Браун анх Биберийн бичлэгийг Youtube-ээс олж харж, дуучин Ашертай холбогдсоноор түүний амжилтын гараа эхэлсэн юм. Түүний гэр бүл Франц Канад гаралтай. Түүний ээж Патришия Маллетте Жастин Биберийг 18 настайдаа гаргасан аж.  Бибер багаасаа хоккей, хөлбөмбөг, шатар тоглох дуртай хүүхэд байжээ. Түүнийхээр хажуугаар Бибер төгөлдөр хуур, бөмбөр, гитар зэргийг тоглож сурчээ. Тэрээр 2007 онд Не-Ё-гийн “Со Сик” дууг дуулж станфорд хотод болсон тэмцээнд  2-р байранд орсон.  Түүний тоглолтын бичлэгийг ээж  Патришия нь Youtube- сайтанд байрлуулснаар  Жастин Бибер олны анхааралд өртөж од болох гараа нь эхэлсэн юм. Жастин дэнгөж 18 нас хүрч байгаа ч American Music Awards, BET Awards, Billboard Music Awards, Brit Awards, Grammy Awards зэрэг дуу болон кино наадмын маш олон шагнал хүртээд байгаа юм.
Shuum.mn