Энэ удаагийн дугаарын зочноор “Making the band” шоунаас төрөн гарсан рок попын шинэхэн “бялзуухай”-нууд болох “Anemone” хамтлагийг танилцуулж байна. Тэдний чин сэтгэлийн болон сонирхолтой ярилцлагыг та зөвхөн TV ZONE сэтгүүлээс уншаарай.
Харин амттай мэдээллийн эхнийхийг багтаасан Оддын шар хуудаснаас SHUUM.mn-тэй хамтран бэлтгэж байгаа “Олон өнцөг” булангаа амтархан уншаарай. Энэ удаад бид УИХ-ын гишүүн ноён Л.Гүндалайг онцоллоо. Мөн цагтаа “Спайк” хэмээх хамтлагаар овоглож явсан дуучин Э.Минжинсор чөлөөт уран бүтээлийн тухай, Хятадын ард түмнийг болон дэлхий нийтийг гайхашруулж, тэдний хайр хүндэтгэлийг хүлээгээд байгаа “Авьяаслаг Хятадууд” шоуны оролцогч н.Уудам хүүгийн тухай, мөн залуусыг байлдан дагуулж явсан “Сүнс” хамтлагийн Б.Лхагваагийн рок попд оруулсан хувь нэмрийн тухай, дээр нь олны танил хүмүүсийн улс төр рүү хошуурдаг занг Ноён Quiza бас гаргаж байгаа тухай танд хор шаргүйхэн мэдээллийг хүргэж байна. Энэ бүхнийг та зөвхөн TV ZONE сэтгүүлийг шар хуудаснаас унших боломжтой.

Нийгэмд тулгамдаад байгаа асуудлуудыг үгээрээ, үзгээрээ илэрхийлдэг сэтгүүлчийн Энэ сэдвээр... булангаа “Харийнханд тавагтай хоолоороо найр тавигсад” хэмээн гарчиглажээ. ЭНЭ СЭДВЭЭР... уншиж, асуудлын гарцад нэгдээрэй.
Уншигчдын маань талархлыг хүлээж байгаа “Надад нэг асуулт байна” буланд гэр бүлийн салалт, гэрлэлтийн тухай асуултыг манай уншигчид ирүүлжээ. Та бүхэн хариултаа хуулийн зөвлөхөөс авсан албан ёсны тайлбараас уншаарай. Бидэнд хандан хариулт хэрэгтэй “нэг” асуултаа илгээсэн уншигч та бүхэнд баярлалаа. 
UBS телевизийн хэрэгжүүлж буй ээлжит төсөл болох “Оршихуй, эс оршихуй” нэртэй шоу нэвтрүүлэг тун удахгүй та бүхэнд хүрнэ. Та магадгүй байнга үзэгчдийн суудалд суумааргүй байвал энэ шоунд өөрийгөө нэг сориод үзээрэй.
Уншигч таны завтай цагийг сонирхолтой мэдээллээр зугаацуулах “Сонин хачин” булангаар дэлхийд хамгийн ихээр үзэн ядагддаг хүмүүсийн тухай болон Холливудын хамгийн шилдэг нүүр хувиргалтуудын талаар хүргэж байна.
Энэ удаагийнхаа “Эрүүл мэнд” булангаар хиймэл шүдний хэрэглээ ба түүний арчилгааны талаарх мэдээллийг хүргэж байна. Зуны халуун өдрүүд үргэлжилж, нарны хэт ягаан туяанаас та залхаж байна уу? Тэгвэл бид энэ удаагийнхаа Fashion булангаар нарны гангараа буюу нарны малгайн цоо шинэ загварыг танд санал болгож байна.
Мэдээж бяцхан уншигч нартаа зориулсан үлгэр, буддаг зургуудаас эхлээд сонжоонд дуртай сонжоочдын зугаа, үгийн сүлжээ, судоку, шидэт зураг гээд Зав гарлаа булан иж бүрнээрээ танд хүрч байна. 
Долоо хоног тутмын сэтгүүлийн чухал мэдээллүүдээс гадна Монголын бүхий л телевизүүдийн хөтөлбөрүүд мэдээж бэлтгэгдлээ. Мөн Оросын хамгийн сонирхолтой сувгууд ч бидэнд хөтөлбөрөө ирүүллээ.

TV ZONE сэтгүүлээ гэр бүлийнхээ гишүүн болгосон уншигч танд баярлалаа.