Сомалиас гаралтай супер од, дуу зохиогч, рэппэр K'Naan –ийг мэдэх хүн олон болжээ. Африкийн Сомали улс гэхээр далайн дээрэмчид, Ал-Шабааб террорист бүлэг, ядуурал, ган гачиг гэх мэт хар бараан зүйлс санаанд ордог. Харин энэ залуу олон улсад эх орныхоо нэрийг гаргаж, амжилттай яваа дуучин юм.
2010 оны дэлхийн хөл бөмбөгийн аварга шалгаруулах тэмцээний үеэр түүний дуулсан "Waving Flag" буюу "Намирч буй Далбаа" нэртэй дуу дэлхий дахинаа хит болсон бөгөөд тэрээр алдартай од болж хувирсан юм. Фанатуудын цөсийг хөөргөсөн энэ дуу тухайн үед 11 орны шилдэг 10 хит дууны жагсаалтад багтаж байжээ.
Хип хоп ертөнцөд түүнийг Эминэм, Боб Марлитай зүйрлэдэг байна. Иргэний дайны нүүр үзэж, дүрвэгсдийн амьдралаар амьдарч байсан K'Naan 13-тай байхдаа ээж болон бусад дүү нарын хамт эх орноо орхиж, Нью-Йоркт амьдарч байсан төрөл төрөгсөд дээрээ иржээ. Удалгүй тэд Канадын Торонто хот руу шилжин суурьшсан байна. K'Naan улмаар хип хоп хөгжмийг сонирхон сонсож, Англи хэл сурч эхэлжээ. Ингэснээр түүний рэппэр болох эхлэл тавигдсан аж. Харамсалтай нь Торонтогийн Рексдэйл дүүрэгт амьдарч байхдаа Сомали залуу аллага, амиа хорлолт, шорон зэргээс болж олон найзаасаа хагацсан байна.
1999 онд Сенегалын дуучин Youssou N'Dour K'Naan-ны авьяасыг анзаарч, түүнийг урлагийн замд хөтөлжээ.
Түүний дуулсан "Waving Flag" дуу Африк тивд анх удаа зохиогдсон хөл бөмбөгийн дэлхийн аварга шалгаруулах тэмцээнд зориулсан Кока Колагийн сүлд дуугаар сонгогдсон бөгөөд Африкт төрж өссөн хүн энэ дууг амьдруулсан нь давуу тал болсон аж.
2010 оны дэлхийн аваргын үеэр Нобелийн энх тайвны шагналт Нелсон Мандела K'Naan –ийг урьж, хамтдаа оройн зоог барьжээ. Энэ үеэр Мандела түүнтэй Сомали улс болон уран бүтээлийнх нь талаар яриа өрнүүлсэн байна. Тэрээр Манделагийнд ойр дотныхоо 10 хүнийг дагуулж очжээ.
K'Naan CNN агентлагийн Африкийн Дуу Хоолой шоунд зориулж худалдаанд гарах гэж буй цомгийнхоо дуунуудаас дуулсан байна. Мөн тэрээр CNN –ний сэтгүүлчтэй ярилцжээ.
K'Naan ярихдаа "Би Африк тивийн 22 улсаар аялсан, энэ аялал миний дуу хөгжимд хандах хандлагад нөлөөлсөн, ялангуяа миний сүүлийн үеийн уран бүтээлд чухал нөлөө үзүүлсэн, миний дуунууд амьдралд, нийгэмд ойр зүйлсийн талаар өгүүлдэг, хүнд хэцүү амьдралаар амьдарч байгаа хүмүүс хайрын дуунд дуртай, би хүмүүсийн мэдрэмж, хандлагыг анзаарч, надаас юу хүсч байгааг мэдэж чаддаг, хүмүүс намайг өөрсдийнх нь зүр сэтгэлд ойр зүйлийг дуулаасай гэж хүсдэг" гэжээ.
K'Naan буюу Кейнан Абди Варсамегийн хүүхэд нас Сомалийн Могадишу хотод өнгөрсөн бөгөөд түүний авга эгч Магуул нь Сомалийн хамгийн алдартай дуучдын нэг байсан юм.
Э.Амар
2010 оны дэлхийн хөл бөмбөгийн аварга шалгаруулах тэмцээний үеэр түүний дуулсан "Waving Flag" буюу "Намирч буй Далбаа" нэртэй дуу дэлхий дахинаа хит болсон бөгөөд тэрээр алдартай од болж хувирсан юм. Фанатуудын цөсийг хөөргөсөн энэ дуу тухайн үед 11 орны шилдэг 10 хит дууны жагсаалтад багтаж байжээ.
Хип хоп ертөнцөд түүнийг Эминэм, Боб Марлитай зүйрлэдэг байна. Иргэний дайны нүүр үзэж, дүрвэгсдийн амьдралаар амьдарч байсан K'Naan 13-тай байхдаа ээж болон бусад дүү нарын хамт эх орноо орхиж, Нью-Йоркт амьдарч байсан төрөл төрөгсөд дээрээ иржээ. Удалгүй тэд Канадын Торонто хот руу шилжин суурьшсан байна. K'Naan улмаар хип хоп хөгжмийг сонирхон сонсож, Англи хэл сурч эхэлжээ. Ингэснээр түүний рэппэр болох эхлэл тавигдсан аж. Харамсалтай нь Торонтогийн Рексдэйл дүүрэгт амьдарч байхдаа Сомали залуу аллага, амиа хорлолт, шорон зэргээс болж олон найзаасаа хагацсан байна.
1999 онд Сенегалын дуучин Youssou N'Dour K'Naan-ны авьяасыг анзаарч, түүнийг урлагийн замд хөтөлжээ.
Түүний дуулсан "Waving Flag" дуу Африк тивд анх удаа зохиогдсон хөл бөмбөгийн дэлхийн аварга шалгаруулах тэмцээнд зориулсан Кока Колагийн сүлд дуугаар сонгогдсон бөгөөд Африкт төрж өссөн хүн энэ дууг амьдруулсан нь давуу тал болсон аж.
2010 оны дэлхийн аваргын үеэр Нобелийн энх тайвны шагналт Нелсон Мандела K'Naan –ийг урьж, хамтдаа оройн зоог барьжээ. Энэ үеэр Мандела түүнтэй Сомали улс болон уран бүтээлийнх нь талаар яриа өрнүүлсэн байна. Тэрээр Манделагийнд ойр дотныхоо 10 хүнийг дагуулж очжээ.
K'Naan CNN агентлагийн Африкийн Дуу Хоолой шоунд зориулж худалдаанд гарах гэж буй цомгийнхоо дуунуудаас дуулсан байна. Мөн тэрээр CNN –ний сэтгүүлчтэй ярилцжээ.
K'Naan ярихдаа "Би Африк тивийн 22 улсаар аялсан, энэ аялал миний дуу хөгжимд хандах хандлагад нөлөөлсөн, ялангуяа миний сүүлийн үеийн уран бүтээлд чухал нөлөө үзүүлсэн, миний дуунууд амьдралд, нийгэмд ойр зүйлсийн талаар өгүүлдэг, хүнд хэцүү амьдралаар амьдарч байгаа хүмүүс хайрын дуунд дуртай, би хүмүүсийн мэдрэмж, хандлагыг анзаарч, надаас юу хүсч байгааг мэдэж чаддаг, хүмүүс намайг өөрсдийнх нь зүр сэтгэлд ойр зүйлийг дуулаасай гэж хүсдэг" гэжээ.
K'Naan буюу Кейнан Абди Варсамегийн хүүхэд нас Сомалийн Могадишу хотод өнгөрсөн бөгөөд түүний авга эгч Магуул нь Сомалийн хамгийн алдартай дуучдын нэг байсан юм.
Э.Амар
