Эрчүүдэд зориулсан FHM сэтгүүл 2012 оны хамгийн тачаангуй 100 эмэгтэйг тодруулах санал асуулгыг явуулжээ. Санал асуулгад оролцогчдын ихэнх нь Английн X Factor шоуны шүүгч, дуучин Тулиса Контоставлосыг хамгийн тачаангуй эмэгтэйгээр нэрлэсэн байна. 23 настай од мягмар гаригт Лондонд зохион байгуулсан үдэшлэгт нэг мөртэй хар даашинзтай иржээ. Тэрээр зургаа авахуулсныхаа дараа ямар учраас хамгийн тачаангуй эмэгтэйгээр тодорсноо сайн мэдэхгүй байна гэж хэлсэн байна.
Тулиса X Factor шоунд түрүүлсэн Little Mix охидын хамтлагийг дэмжиж, тэдэнд зөвлөгөө агч ажилласан бөгөөд  саяхан 'Young' нэртэй дуугаа гаргажээ. FHM сэтгүүлийн зохион байгуулсан үдэшлэгт Тулисагаас гадна олон үзэсгэлэнтэй эмэгтэйчүүд хүрэлцэн ирсний дунд загвар өмсөгч, жүжигчин Жессика Жэйн Клемент, Канадын жүжигчин Жессика Лоундес нар байсан байна. Английн жүжигчин Хелен Фланаган, Ирландын загвар өмсөгч Жеоржиа Салпа нар Тулисаг шалгаруулсан нь нүдээ олсон хэрэг гэдгийг хэлжээ.
Английн FHM сэтгүүл дэлхийн хамгийн тачаангуй 100 эмэгтэйг анх санал асуулгаар шалгаруулж эхэлснээс хойш 18 жил өнгөрсөн байна. Энэ сэтгүүлийнхэн хамгийн тачаангуй, дур булаам эмэгтэйчүүдийг шалгаруулахын тулд хамгийн өргөн хүрээнд судалгаа, санал асуулга явуулдаг гэж хэлдэг.
Энэ жил явуулсан санал асуулгад Англи болон бусад орны олон зуун мянган хүн оролцож, саналаа өгчээ.
Э.АМАР