Даваа гаригийн орой жүжигчин Жонни Депп болон Мишел Пайфер нар "Dark Shadows" буюу "Хар Сүүдэр" хэмээх цус сорогчийн сэдэвтэй, инээдмийн киноны нээлтийн ёслолд оролцсон байна. Нээлтийн ёслол Лос Анжелест болжээ. Шинэ киног 1966-1971 оны хооронд гарч байсан Dark Shadows хэмээх олон ангит киноноос сэдэвлэсэн байна.
Тим Бөртоны найруулсан Dark Shadows кинонд Жонни Депп 18 –р зууны үеийн баян чинээлэг, хүч нөлөөтэй, шуналтай, зугаа цэнгэлд дуртай эр болох Барнабас Коллинсын дүрд тогложээ. Барнабасд дурласан шулам болох Анжелик Бушард түүнийг цус сорогч болгон хувиргасныхаа дараа амьдаар нь булшилдаг байна. Шулмын дүрийг жүжигчин Эва Грийн бүтээжээ.
Барнабас цус сорогч болсноосоо хойш бараг хоёр зууны дараа буюу 1972 оны үед булшнаасаа санамсаргүй суллагдсанаар түүний өмнө олон шинэ бэрхшээл, адал явдал тохиолддог байна.
Энэ кинонд Жонни Депп, Мишел Пайфер нараас гадна Хелена Бонхам Картер, Эва Грийн, Жаки Иирл, Жонни Ли Миллер, Белла Хиткот нар тогложээ.
Dark Shadows кино тавдугаар сарын нэгнээс Америкийн театруудаар гарч эхэлнэ.
Э.АМАР