Он гарсаар супер баатруудын тухай өгүүлдэг адал явдалтай хэд хэдэн кино нээлтээ хийсэн билээ. Тэгвэл Руперт Сандерсын найруулсан "Цасан Гоо ба Анчин" кинонд тоглосон жүжигчид болох Чарльз Терон, Кристен Стюарт нар эмэгтэйчүүд ч гэсэн сэлэм барин тулалдаж, эр зоригтой байж чаддагийг харууллаа.
Герман ах дүү Гриммийн цуглуулсан шидэт үлгэрүүдийн нэг болох Цасан Гоог орчин үеийн хэлбэрт шилжүүлсэн энэ киноны нээлтийн ёслол даваа гаригт Лондон хотын Лестер талбайд болжээ. Энэхүү ёслолд Стюарт, Терон нараас гадна тэдэнтэй хамтран тоглосон бусад жүжигчид оролцсон байна.
"Twilight" киноны од Стюарт Цасан Гоогийн дүрд тоглосон бөгөөд нээлтийн ёслолын үеэр урт хормойтой хар даашинз өмсчээ.
Тэрээр ярихдаа "Aдал явдалт кинонд тоглодог эмэгтэйчүүд бусад эмэгтэйчүүдийн хэзээ ч хийж чадахааргүй зүйлсийг хийдэг, киноноос та бүхний харсан зүйлсийг бид хийж чадна, гэхдээ бид мэдээж биеийн хүчний хувьд кинон дээр гардаг шигээ биш, гол нь өөрийгөө мэдэрч тэвчээртэй байх хэрэгтэй" гэжээ.
Стюарт киноны зарим үйл явдалд тоглоход хэцүү бага зэрэг хэцүү байсныг хэлсэн байна. Тэрээр ярихдаа "Би биеийн хүчний хувьд өөрийгөө сорих дуртай, гэхдээ найруулагч нар адал явдалтай кинонд биерхүү залуусыг тоглуулдаг шалтгаан нь ийм төрлийн киног хийхэд хэцүү гэдгийг хэлэх хэрэгтэй" гэжээ.
"Цасан Гоо ба Анчин" уран зөгнөлт, тулаант кино тавдугаар сарын 30-наас Английн театруудаар, харин зургадугаар сарын нэгнээс Америкийн театруудаар гарч эхлэх юм байна.
Э.АМАР