Испани хэл дээр гардаг Америк сэтгүүл болох "People en Espaсol"-оос тодруулдаг "50 Most Beautiful" буюу Хамгийн Үзэсгэлэнтэй 50 хүний нэгээр поп од Рики Мартин нэрлэгджээ. Мягмар гаригийн орой Нью-Йоркийн Плаза зочид буудалд болсон хүндэтгэлийн арга хэмжээнд Рикигээс гадна латин гаралтай бусад алдартнууд оролцсон байна. Тэдний дунд Мексикийн дуучин, жүжигчин Талиа, жүжигчин Шаритин Гойко, Хулиан Гил, Лили Эстефан, Самми Соса нар байжээ. Жүжигчин Талиагийн нэр жагсаалтад ес дэх жилдээбичигдсэнээрээ дээд амжилт тогтоосон байна. Энэ жилийн жагсаалтад бичигдсэн зарим одуудыг дурдвал Жэймс Камеруны Аватар киноны од Зои Салдана, Женнифер Лопез, Виктор Круз, Адамари Лопез, Дэвид Зепеда, Пенелопа Круз нар юм.
2007 оны Венесуэлийн мисс, 2008 оны Мисс Юниверс тэмцээний ялагч Даяана Мендозагийн нэр 2009 оны жагсаалтад бичигдэж байжээ. Тэрээр ярихдаа "Миний бодлоор энэ бол томоохон арга хэмжээ, бид бүгд амжилтаа тэмдэглэх дуртай, хүн бүрийн амжилтыг, тэдний байгаа байдлыгүнэлдэг учраас энэ үнэхээр чухал, энэ бол агуу боломж" гэжээ.
People en Espaсol сэтгүүлээс гаргадаг хамгийн Үзэсгэлэнтэй 50 алдартны жагсаалтад энэ жил хөгжим, кино урлаг, телевиз гээд салбар салбарын алдартнуудын нэр бичигдсэн байна. Дэлгэрэнгүй мэдээллийг доорхи линкээр орж уншиж болно.
http://www.rickymartinmusic.com/Blog/Post/e704b237-ca41-4a74-9d12-86088d30377b
Э.АМАР