Дуучин Мадонна Туркийн Истанбулд тоглолтоо хийлээ. Түүний шүтэн бишрэгчид энэ мөчийг бараг 20 жил хүлээсэн гэхэд болно. Учир нь попын хатан хаан Туркэд хамгийн сүүлд 1993 онд тоглолтоо зохион байгуулж байжээ.
Түүний энэ удаагийн тоглолтыг олон мянган хүн үзэж сонирхсон байна. Шүтдэг дуучныхаа тоглолтыг үзэхээр нийслэл Истанбул хотын "Turk Telekom Arena" цэнгэлдэхэд 55 мянга орчим хүн цуглажээ.
Мадоннагийн дэлхийн орнуудаар хийж байгаа аялан тоглолт үргэлжилж байна. Тэрээр ирэх долоо хоногт Италийн Ромд шүтэн бишрэгчидтэйгээ уулзана. Америк дуучин Ази, Европ, Америк тивийн орнуудад айлчлан тоглох төдийгүй Арабын Нэгдсэн Эмират, Украйн, Колумб зэрэг улсуудад анх удаа тоглолтоо хийх юм.
Э.АМАР