Зургадугаар сарын 21-нд Английн ханхүү, Кэмбрижийн гүн Уильям 30 насны төрсөн өдрөө тэмдэглэлээ. Тэрээр Лондоны ойролцоо байдаг хувийн сургууль болох Итон коллежид суралцсан Английн хааны удмын анхны хүн юм. Мөн Сэйнт Эндрьюгийн их сургуулийг дүүргэсэн тэрээр хааны удмын хамгийн өндөр боловсролтой хүмүүсийн нэг билээ.
Уильям Артур Филипп Луис 1982 оны зургадугаар сарын 21-нд мэндэлжээ. Тэрээр Ханхүү Чарльз, Диана гүнж нарын ууган хүүхэд юм. Уильям бага байхаасаа л олны анхаарлын төвд байсан байна. Түүнийг 15 настай байхад ээж Диана нь Парист автын ослоор нас барсан. Харин Уильям 2006 онд Сэндхюрстын цэргийн академийг төгссөнийхөө дараа хоёр жилийн турш бэлтгэл сургуулилт хийжээ. Харин үүнээс дөрвөн жилийн дараа тэрээр удаан хугацаанд үерхсэн найз бүсгүй болох Кэйт Миддлтондоо гэрлэх санал тавьсан байна.
2011 оны дөрөвдүгээр сарын 29-нд болсон тэдний хурим дэлхий нийтийн анхаарлыг татсан томоохон үйл явдлуудыг нэг байсан юм. Тэдний хуримыг хоёр тэрбум хүн үзсэн гэсэн тооцоо гарчээ.
Дараагийн 30 жил Уильямын хувьд маш олон өөрчлөлтийг авчирсан он жилүүд байх болно.
Э.АМАР