"Spice Girls"хамтлагийнхан эргэн нэгдлээ. 90-ээд онд ид нэрд гарч байсан охидын хамтлагийн гишүүд болох Victoria Beckham, Melanie Brown, Emma Bunton, Melanie Chisholm болон Geri Halliwell нар"Viva Forever"нэртэй шинэ мюзиклийнхээ талаар дэлгэрэнгүй мэдээлэл өгөхөөр Лондондцуглажээ.
Женнифер Саундерсийн бичсэн мюзиклийн продюсерийн үүргийг Аббагийн алдарт "Мамма Миа" мюзикл дээр ажилласан Жүди Крэймер гүйцэтгэж байгаа бөгөөд найруулагчаар Пол Гаррингтон ажиллана. Мюзиклийн нээлт Лондон хотын Пикадилли театрт 12-р сарын 11-нд болно. Мюзиклийн үеэр Spice Girls хамтлагийн хит дуунууд дуулагдах аж.
"Spice Girls"хамтлаг дэлхий даяар 75 сая хувь цомог борлуулж, цагтаа шуугиулж байсан хамтлаг гэдгийг хэн хүнгүй мэднэ. Хамтлагийн гишүүд 1997 онд Spiceworld нэртэй кинонд тоглож байсан юм.Тэд 2000 онд тус тусын замыг хөөх болсон ч долоон жилийн дараа хамтран аялан тоглолт хийж байжээ.
Э.АМАР