Монгол Улсын гавьяат жүжигчин И.Одончимэгийг хүмүүс авьяас билгээрээ ард түмэндээ шагшигдаж, гоо үзэсгэлэнгээрээ эрчүүдийн харцыг булаасан бүсгүй хэмээн ярьдаг.

Олны танил сайхан бүс­­гүйчүүдийн амьдрал бүг­­дийн нүдний өмнө дэл­гээс­тэй мэт байдаг. Энэ л жамаар Одноогийн хувийн амьдралыг хүмүүс ямагт сонирхож байдаг. Тэрбээр нэлээд хожуухан “Х түц” хамт­лагийнхаа сайхан залуусын нэг Т.Бархүүтэй гэр бүл болж, дөч гарсан насандаа хоёр дахь үрийнхээ зулайг үнэрлэсэн.

Тэд хамт амьдраад арваад жил болсон ч өнөө хэр нь хуримаа хийгээгүй байсан билээ. Өсөж яваа жүжигчин залуу хайртай бүсгүйдээ хуримын даашинз өмсгөхөөр шийдэж, хуримаа хийх өдрөө ч сонгожээ. Ингээд ирэх намрын дунд сарын 17-нд гэрлэлтээ албан ёсоор бүртгүүлж, ойр дотнынхныхоо хүрээнд даруухан хурим хийхээр төлөвлөжээ.

Эх сурвалж: "Өглөөний сонин"