Азид соёл урлагаараа тэргүүлж байгаа улсуудын нэг нь Өмнөд Солонгос билээ. Солонгосын нэгэн дуучны шинэ клип Youtube сайт дээр 11 сая гаруй хандалт авч, шуугиан дэгдээгээд байна.
Өмнөд Солонгосын рэппэр Пак Жае Сан шинэ дуугаараа эргэн ирлээ. Түүний "Ганнам Стайл" нэртэй дууны клип Youtube сайт дээр баасан гаригийн байдлаар 11 сая гаруй хандалт авчээ. Энэ дуу BillBoard-ын К-Pop урсгалын шилдэг 100 дууны жагсаалтыг аль хэдийн тэргүүлсэн байна.
Робби Уильямс, рэппэр Ти-Пэйн зэрэг барууны алдартай уран бүтээлчид өөрсдийн твиттер хуудсандаа Солонгос рэппэрийн шинэ клипийн талаар бичицгээжээ.
"Ганнам Стайл" дуу анх долдугаар сарын 15-нд олны хүртээл болсон байна. Ганнам гэдэг нь Сөүл хотын дундаас дээш давхаргынхны амьдардаг дүүрэг ажээ.
Рэппэр Пак Жае Сан 1977 оны 12-р сарын 31-нд төрсөн. Тэрээр Америкт боловсрол эзэмшсэн байна. Хошин шогийн мэдрэмжтэй, үзэгчдийг инээлгэх авьяастай дуучин өвөрмөц тоглолт зохион байгуулдгаараа алдартай гэнэ. Гэхдээ эхний цомгийг нь насан хүрээгүйчүүдэд зохисгүй утга агуулгатай байсан хэмээн үзэж түүнийг торгосон төдийгүй хоёр дахь цомгийг нь хоригложээ.
Ямартай ч Пак Жае Саны клип интернэт ертөнцөд шуугиан тариад байна. Дөрвөн Минут нэртэй охидын хамтлагийн гишүүн Ким Хюн-А энэ клипний зураг авалтад оролцжээ.
Түүний клипийг үзэхийг хүсвэл дараах линкээр орно уу.
http://www.youtube.com/watch?v=9bZkp7q19f0
Э.АМАР