2012 оны УИХ-ын сонгуулийн үр дүнд байгуулагдсан зургаа дахь удаагийн УИХ-ын чуулганы нэгдсэн хуралдаан өчигдөр 17.12. цагийн орчимд эхэлсэн. Энэ удаа чуулганы нэгдсэн хуралдаан нэлээд өргөн бүрэлдэхүүнтэй болсон учир нь МАН-ын гишүүд чуулганд оролцохоор хүрэлцэн ирсэн явдал байв. Хуралдаанд оролцохоор МАН-ын гишүүдээс хамгийн түрүүнд Ж.Батсуурь гишүүнийг чуулганы танхимд орж ирэхэд АН-ын гишүүд алга нижигнүүлэн ташиж, хүндэтгэл үзүүллээ. Ингээд хуралдаанд оролцох ёстой 71 гишүүнээс 52 нь ирснээр энэ удаагийн анхдугаар чуулганыг эхлүүлсэн бөгөөд Монгол Улсын Ерөнхийлөгч Ц.Элбэгдорж, Ерөнхий сайд асан С.Батболд нар мөн чуулганы хуралдаанд оролцсон юм. УИХ-ын дарга З.Энхболд анхдугаар чуулганы нэгдсэн хуралдаан эхэлснийг мэдэгдэж, ирцийг мөн сонсгосны зэрэгцээ хэлэлцэх асуудлыг гишүүдэд дуулгалаа. Энэ үеэр МАН-ын дарга Ө.Энхтүвшин үг хэлэх зөвшөөрөл хүсч, анхдугаар чуулганд тангараг өргөснөөс хойш хэсэг хуралдаанд ороогүй учир шалтгаанаа тайлбарласан юм. Тэрээр, Ардчилсан Намын бүлэгт хандаж тавиад буй гурван асуудлаа онцолж ярьсан. Тухайлбал, УИХ-ын даргыг томилсон асуудал хууль зөрчсөн, үүнийг хуулийн дагуу болгоё гэдэг хүсэлт тавьсан гэв. Түүнчлэн Өвөрхангай аймгийн тойргийн асуудлыг шүүхээр шийдвэрлэхэд, хөндлөнгөөс оролцох ёсгүй гэдгийг сануулсан гээд сонгуулийн саналын дүнг зарим тойрогт хяналтын тооллого хийж баталгаажуулах асуудлаар санал тавьснаа онцолсон юм. Дараа нь Ардчилсан Намын дарга Н.Алтанхуяг үг хэлсэн. Тэрээр, сонгуулийн тооллого буруу явсан, дахин нягтлах нь зүйтэй гэж нэлээд яригдсан. Манай нам Сонгуулийн ерөнхий хороо автомат машинаа олон нийт, иргэдэд харуулж байгаад санал хураалгаж, саналын дүнг сайтар нягтлуулах нь зүйтэй гэсэн хүсэлт тавьсан. УИХ-ын даргын асуудал хуулийн дагуу явсан, тэгээд ч Үндсэн хуулийн цэц рүү өгсөн байх, бүлэг байгуулах асуудлын тухайд хуулинд юу гэж заасан байна, түүгээр л шийдэх байх, МАН-ын гишүүд Ерөнхий сайдын асуудал яригдах үед чуулганд сууна гэж байсан, хүрээд ирлээ. Тэгээд ч бид дотроо энэ танхимдаа орж ирээд хэлэх ярих зүйлээ хэлэлцээд, ойлголцоод явъя гэсэн гэж байлаа.
Ингээд УИХ-ын дарга хэлэлцэх асуудалдаа орох тухай хэлтэл, УИХ-ын гишүүн Н.Энхболд УИХ-ын даргыг сонгох үйл явц хуулийн бус аргаар явсан хэмээгээд, бид Үндсэн хуулийн Цэцэд хандсан байгаа. Гэхдээ Улсын Их Хурлын даргыг сонгох санал хураалтаа дахин явуулахад болохгүй гэх газаргүй, ийм горимын санал гаргаж байна гэсэн юм. Харин УИХ-ын гишүүн, УИХ дахь АН-ын бүлгийн ахлагч Д.Эрдэнэбат, хуулийн дагуу асуудал шийдэгдсэн тул ийм боломжгүй юм гэдгийг хэлж, энэ горимын саналыг мөн хүлээж авах боломжгүйгээ мэдэгдсэн.
Харин энэ үеэр УИХ-ын дарга З.Энхболд, түрүүний горимын санал байх уу, үгүй юу гэдэг дээр санал хураах тухай хэлсэн ч УИХ-ын гишүүн С.Баярцогт, асуудал нь үндсэн хэлэлцэх асуудлын дараалалд багтаж ороогүй бол санал энэ талаар хурааж болохгүй гэдгийг тодотгосон юм. Ингээд УИХ-ын гишүүн Н.Энхболдын гаргасан саналын томъёоллоор санал хураахад гишүүдийн 81 хувь нь горимын саналыг хүлээж авах боломжгүй гэж үзсэн. Мөн энэ үеэр МАН-ын дарга, УИХ-ын гишүүн Ө.Энхтүвшин намын бүлэг байгуулсан байсан тухайгаа хэлж, УИХ-ын даргад хандаж, танилцуулгаа уншиж, бичгээ гардуулсан. Харин УИХ-ын дарга З.Энхболд, бүлэг байгуулах асуудлыг УИХ-ын дарга томилогдсоноос хойш 24 цагт багтаан мэдүүлэх учиртай. Энэ хугацаа нэгэнт өнгөрсөн, тиймээс УИХ-ын Дэгийн тухай хуулийг өөрчилж байж цаашид явах боломж бий гэдгийг хэлж байсан. Тэгээд УИХ-ын чуулганы нэгдсэн хуралдаан цаг сунган үргэлжилж, Ардчилсан намын дарга Н.Алтанхуягийг Монгол Улсын Ерөнхий сайдаар томилох тухай асуудлыг хэлэлцэн гишүүдийн 42 нь дэмжиж, 72.4 хувийн саналаар тогтоолыг баталлаа. Тогтоол батлагдсан өдрөөс эхлэн хэрэгжиж байна. Ингэснээр 2012 оны УИХ-ын сонгуулийн үр дүнд бий болсон УИХ Монгол Улсын 27 дахь Ерөнхий сайдаар Ардчилсан намын дарга Н.Алтанхуягийг томиллоо. Харин шинэ Засгийн газрын тэргүүн ирэх өдрүүдэд танхимаа бүрдүүлэх ажилд орно.
Түүнийг Ерөнхий сайдаар томилохын өмнө УИХ дахь МАН-ын бүлгийн гишүүд Засгийн газрын бүтэц бүрэлдэхүүн ямар бүтэцтэй байх, мөн ажилгүйдэл, ядуурлыг бууруулахын тулд ямар тактик барьж ажиллах, Засгийн газарт хамтарч ажиллах “МАХН-МҮАН-ын Шударга ёс” эвсэл стратегийн орд газрыг 100 хувь ард түмний мэдэлд шилжүүлнэ хэмээн мөрийн хөтөлбөртөө заасан. Энэ асуудал дээр ямар байр суурь барьж ажиллах талаар хариулт өгөхийг хүсэв. Тодруулбал,
УИХ-ын гишүүн Д.Дэмбэрэл: -Засгийн газрыг байгуулахдаа одоогийн төрийн албан хаагчдын тоонд багтааж Засгийн газрыг байгуулна гэж бодож байна уу. Эсвэл яамдын тоог нэмэх бодолтой байна уу. Бараа, бүтээгдэхүүний үнийн өсөлтийг сааруулж, инфляцийг бууруулахад ойрын хугацаанд ямар арга хэмжээ авах вэ?
Н.Алтанхуяг: -Тодорхой ажлыг тодорхой хүнд даалгана, эргээд хариуцлага тооцоход хялбар. Одоо байгаа орон тоонд нь багтаана гэж бодож байгаа. Үнийн өсөлт дээр юу ярих вэ дээ, сонгууль гээд явж байх зуур үнэ талийсан. Та бүхэн надаас юу хийх вэ гэж асуухаасаа өмнө та бүхэн юу хийж байгаа вэ гэдгээ бодох ёстой. Хөгжлийн банк өнөөдөр өдөрт 120 сая төгрөгийг хоосон төлж байна. Үүнийг бид цэгцэлнэ, гол нь та бүхэн дэмжээрэй. Бодлогын хувьд алдаатай зөрүүтэй юм байвал өөрчилнө.
Н.Энхболд: -Танайтай хамтраад Засгийн газар байгуулж байгаа намууд стратегийн ордыг 100 хувь ард түмний мэдэлд өгнө гэж заасан. Үүнийг та юу гэж бодож байгаа вэ, хамтарсан Засгийн газрын үед энэ асуудлыг арай өөрөөр ярьж байсан. Засгийн газрын мэдэлд 100 хувь авахыг хэлээд байна уу, эсвэл?
Н.Алтанхуяг: -Эвслийнхний газрын доорх баялгийг ард иргэддээ үлдээе гэдгийг зөв гэж бодож байгаа. Хэдэн хувийг хүртээх вэ гэдэг дээр маш зөв шийдэл гаргах ёстой.
А.Тлейхан: -Ажилгүй иргэдийг нэг бол ажлаар хангах, эс бөгөөс хоол хүнсээр хангах ёстой. Хүний хөгжлийн сангаас 21 мянган төгрөг өгч байсан нь үнэхээр хэрэг болсон. Жилдээ 800 тэрбум төгрөгийг зарцуулж байсан. Одоо бол хуулийн үйлчлэх хугацаа дууссан. Гэхдээ ажилгүй иргэдээ хоол хүнсээр хангах зорилгоор тэдэнд өмнөх 21 мянган төгрөгийг үргэлжлүүлэн олгох талд ямар байр суурьтай байна вэ?
Н.Алтанхуяг: -Ажилгүйдлийг арилгах олон арга бий. Хамтарсан Засгийн газрын үед ярьсан олон зүйл бий. Түүнийг хэрэгжүүлнэ. Мэргэжлийн сургалт үйлдвэрлэлийн төв ерөнхий эрдмийн боловсрол дээрээ анхаараад, ажилчин болгох талд анхаарч чадахгүй байна. Ажил олгогчдын хүсэн хүлээж байгаа ажилтныг бэлтгэхэд түлхүү анхаарна. Хоосон юм яриагүй, өнгөрсөн дөрвөн жилд хамтраад хийж байсан ажлыг шинэ шатанд гаргаж ажиллана. Тэгэхдээ бага зэрэг өөрчлөлт хийнэ, Хөдөлмөрийн яамыг байгуулна. Одоогийн Засгийн газар 3000 залуу, 9000 залууг Мэргэжлийн сургалт үйлдвэрлэлийн төвд сургасан, тэд нар одоо ажилтай байж чадаж байгаа юу. Үр дүнг чухалчилна. 3000 иргэнийг Мэргэжлийн сургалт үйлдвэрлэлийн төвд сургахад ядаж 1000 нь ажилтай болсон байх ёстой, түүнээс сертификат олгосноор ажилгүйдэл буурахгүй. Тиймээс иргэнээ ажилтай, орлоготой болгоход манай Засгийн газар анхаарч ажиллана. Нийгмийн халамж шаардлагатай хэсэгт халамж өгөөд л явна. Төрийн халамжаас гадуур орхихгүй.
С.Бямбацогт: -Ардчилсан нам барууны үзэл бодолтой, МАХН зүүний үзэл бодолтой. Нэг нь төрийн зохицуулалтыг дэмжинэ нөгөөх нь хувийн хэвшлийг дэмжинэ гэж.. Үзэл бодлын зөрүүтэй хоёр нам яаж Засгийн газарт хамтарч ажиллах вэ?
Н.Алтанхуяг: -Өнгөрсөн 3.6 жилийн хугацаанд Ардын нам, Ардчилсан нам хоёр хамтраад ажилласан, тэрэн шиг л хамтраад ажиллана. Тэр байтугай л зүйлийг хамтраад хийж байсан, гар нийлж ажиллана.
Ийнхүү асуулт, хариулт өрнөсний дараа гишүүд Ерөнхий сайдад нэр дэвшигчид хандан саналаа хэлэхэд, УИХ-ын гишүүн С.Бямбацогт “Цөөнхдөө хүндэтгэлтэй хандаарай, өмнө нь МАН-тай Ардчилсан нам хамтарч Засгийн газар байгуулж байх үед та Тэргүүн шадар сайдаар ажиллаж байсан. Тэргүүн шадар сайдаар томилогдохдоо “Хөөсөн ч Хамтарсан Засгийн газраас гарахгүй” гэж хэлж байсан, гэвч хөөгөөгүй байхад хаяад явсан. Ийм алдаа бүү гаргаарай” гэсэн бол УИХ-ын гишүүн М.Сономпил “УИХ-ын даргаа томилоод байнгын хороодыг байгуулаад, Ерөнхий сайдын асуудлыг оруулж ирсэн нь сайн байна. Ерөнхий сайдад нэр дэвшигч Н.Алтанхуяг нь Засгийн газрыг тэргүүлээд явах чадвартай, энэ хэмжээний туршлага хуримтлуулсан улстөрч. “Шударга ёс” эвсэл нь Ардчилсан намтай хамтарсан Засгийн газар байгуулахаар гэрээ байгуулаад явж байна. Үзэл бодлын хувьд ойролцоо, гол нь Монгол үндэсний эрх ашиг дээр тулгуурлаж байх ёстой, мөрийн хөтөлбөрийн хувьд хоёр намын хувьд зөрчилдөж буй зүйл байхгүй. “Шударга ёс” эвслийн хувьд таван зүйлийг мөрийн хөтөлбөртөө тусгасан байсан. Тэр бүхнээс бараг нь Засгийн газрын мөрийн хөтөлбөрт тусч байгаа” гэсэн юм.
Харин УИХ-ын гишүүн Д.Тэрбишдагва: -Ц.Нямдорж шударга дүр гаргаж ярьдаг байсан гэхдээ монголын ард түмэн одоо хүлээж авахаа больчихсон. Биднийг тэр урвагч гэж ярьж байна, Ц.Нямдорж олон жил МАХН-аас нэр дэвшсэн, тиймээс түүний ярьсанд нь битгий эмзэглэ. Н.Энхбаярыг шоронд оруулсан хүн Ц.Нямдорж, баривчлах үед нь унтсан хүн тэр. Би бол түүн шиг улстөрийн зөнөглөл хийхгүй, шударга үнэний төлөө, хэлмэгдүүлэлтийн эсрэг ажиллах болно гэдгээ хэлье. Н.Алтанхуяг даргадаа амжилт хүсье гэсэн юм. Ийнхүү УИХ Монгол Улсын Ерөнхий сайдаар Ардчилсан намын дарга Н.Алтанхуягийг томиллоо. Ерөнхий сайд 14 хоногийн дотор Засгийн газрын бүрэлдэхүүнээ бүрдүүлэх хуультай юм. Сайдуудын тохироо ерөнхийдөө хийгдэж дууссан учир ирэх долоо хоногт Байнгын хороодоор хэлэлцүүлж, Пүрэв, Баасан гарагийн чуулганы нэгдсэн хуралдаанаар хэлэлцүүлэх боломжтой юм.
Ингээд УИХ-ын дарга хэлэлцэх асуудалдаа орох тухай хэлтэл, УИХ-ын гишүүн Н.Энхболд УИХ-ын даргыг сонгох үйл явц хуулийн бус аргаар явсан хэмээгээд, бид Үндсэн хуулийн Цэцэд хандсан байгаа. Гэхдээ Улсын Их Хурлын даргыг сонгох санал хураалтаа дахин явуулахад болохгүй гэх газаргүй, ийм горимын санал гаргаж байна гэсэн юм. Харин УИХ-ын гишүүн, УИХ дахь АН-ын бүлгийн ахлагч Д.Эрдэнэбат, хуулийн дагуу асуудал шийдэгдсэн тул ийм боломжгүй юм гэдгийг хэлж, энэ горимын саналыг мөн хүлээж авах боломжгүйгээ мэдэгдсэн.
Харин энэ үеэр УИХ-ын дарга З.Энхболд, түрүүний горимын санал байх уу, үгүй юу гэдэг дээр санал хураах тухай хэлсэн ч УИХ-ын гишүүн С.Баярцогт, асуудал нь үндсэн хэлэлцэх асуудлын дараалалд багтаж ороогүй бол санал энэ талаар хурааж болохгүй гэдгийг тодотгосон юм. Ингээд УИХ-ын гишүүн Н.Энхболдын гаргасан саналын томъёоллоор санал хураахад гишүүдийн 81 хувь нь горимын саналыг хүлээж авах боломжгүй гэж үзсэн. Мөн энэ үеэр МАН-ын дарга, УИХ-ын гишүүн Ө.Энхтүвшин намын бүлэг байгуулсан байсан тухайгаа хэлж, УИХ-ын даргад хандаж, танилцуулгаа уншиж, бичгээ гардуулсан. Харин УИХ-ын дарга З.Энхболд, бүлэг байгуулах асуудлыг УИХ-ын дарга томилогдсоноос хойш 24 цагт багтаан мэдүүлэх учиртай. Энэ хугацаа нэгэнт өнгөрсөн, тиймээс УИХ-ын Дэгийн тухай хуулийг өөрчилж байж цаашид явах боломж бий гэдгийг хэлж байсан. Тэгээд УИХ-ын чуулганы нэгдсэн хуралдаан цаг сунган үргэлжилж, Ардчилсан намын дарга Н.Алтанхуягийг Монгол Улсын Ерөнхий сайдаар томилох тухай асуудлыг хэлэлцэн гишүүдийн 42 нь дэмжиж, 72.4 хувийн саналаар тогтоолыг баталлаа. Тогтоол батлагдсан өдрөөс эхлэн хэрэгжиж байна. Ингэснээр 2012 оны УИХ-ын сонгуулийн үр дүнд бий болсон УИХ Монгол Улсын 27 дахь Ерөнхий сайдаар Ардчилсан намын дарга Н.Алтанхуягийг томиллоо. Харин шинэ Засгийн газрын тэргүүн ирэх өдрүүдэд танхимаа бүрдүүлэх ажилд орно.
Түүнийг Ерөнхий сайдаар томилохын өмнө УИХ дахь МАН-ын бүлгийн гишүүд Засгийн газрын бүтэц бүрэлдэхүүн ямар бүтэцтэй байх, мөн ажилгүйдэл, ядуурлыг бууруулахын тулд ямар тактик барьж ажиллах, Засгийн газарт хамтарч ажиллах “МАХН-МҮАН-ын Шударга ёс” эвсэл стратегийн орд газрыг 100 хувь ард түмний мэдэлд шилжүүлнэ хэмээн мөрийн хөтөлбөртөө заасан. Энэ асуудал дээр ямар байр суурь барьж ажиллах талаар хариулт өгөхийг хүсэв. Тодруулбал,
УИХ-ын гишүүн Д.Дэмбэрэл: -Засгийн газрыг байгуулахдаа одоогийн төрийн албан хаагчдын тоонд багтааж Засгийн газрыг байгуулна гэж бодож байна уу. Эсвэл яамдын тоог нэмэх бодолтой байна уу. Бараа, бүтээгдэхүүний үнийн өсөлтийг сааруулж, инфляцийг бууруулахад ойрын хугацаанд ямар арга хэмжээ авах вэ?
Н.Алтанхуяг: -Тодорхой ажлыг тодорхой хүнд даалгана, эргээд хариуцлага тооцоход хялбар. Одоо байгаа орон тоонд нь багтаана гэж бодож байгаа. Үнийн өсөлт дээр юу ярих вэ дээ, сонгууль гээд явж байх зуур үнэ талийсан. Та бүхэн надаас юу хийх вэ гэж асуухаасаа өмнө та бүхэн юу хийж байгаа вэ гэдгээ бодох ёстой. Хөгжлийн банк өнөөдөр өдөрт 120 сая төгрөгийг хоосон төлж байна. Үүнийг бид цэгцэлнэ, гол нь та бүхэн дэмжээрэй. Бодлогын хувьд алдаатай зөрүүтэй юм байвал өөрчилнө.
Н.Энхболд: -Танайтай хамтраад Засгийн газар байгуулж байгаа намууд стратегийн ордыг 100 хувь ард түмний мэдэлд өгнө гэж заасан. Үүнийг та юу гэж бодож байгаа вэ, хамтарсан Засгийн газрын үед энэ асуудлыг арай өөрөөр ярьж байсан. Засгийн газрын мэдэлд 100 хувь авахыг хэлээд байна уу, эсвэл?
Н.Алтанхуяг: -Эвслийнхний газрын доорх баялгийг ард иргэддээ үлдээе гэдгийг зөв гэж бодож байгаа. Хэдэн хувийг хүртээх вэ гэдэг дээр маш зөв шийдэл гаргах ёстой.
А.Тлейхан: -Ажилгүй иргэдийг нэг бол ажлаар хангах, эс бөгөөс хоол хүнсээр хангах ёстой. Хүний хөгжлийн сангаас 21 мянган төгрөг өгч байсан нь үнэхээр хэрэг болсон. Жилдээ 800 тэрбум төгрөгийг зарцуулж байсан. Одоо бол хуулийн үйлчлэх хугацаа дууссан. Гэхдээ ажилгүй иргэдээ хоол хүнсээр хангах зорилгоор тэдэнд өмнөх 21 мянган төгрөгийг үргэлжлүүлэн олгох талд ямар байр суурьтай байна вэ?
Н.Алтанхуяг: -Ажилгүйдлийг арилгах олон арга бий. Хамтарсан Засгийн газрын үед ярьсан олон зүйл бий. Түүнийг хэрэгжүүлнэ. Мэргэжлийн сургалт үйлдвэрлэлийн төв ерөнхий эрдмийн боловсрол дээрээ анхаараад, ажилчин болгох талд анхаарч чадахгүй байна. Ажил олгогчдын хүсэн хүлээж байгаа ажилтныг бэлтгэхэд түлхүү анхаарна. Хоосон юм яриагүй, өнгөрсөн дөрвөн жилд хамтраад хийж байсан ажлыг шинэ шатанд гаргаж ажиллана. Тэгэхдээ бага зэрэг өөрчлөлт хийнэ, Хөдөлмөрийн яамыг байгуулна. Одоогийн Засгийн газар 3000 залуу, 9000 залууг Мэргэжлийн сургалт үйлдвэрлэлийн төвд сургасан, тэд нар одоо ажилтай байж чадаж байгаа юу. Үр дүнг чухалчилна. 3000 иргэнийг Мэргэжлийн сургалт үйлдвэрлэлийн төвд сургахад ядаж 1000 нь ажилтай болсон байх ёстой, түүнээс сертификат олгосноор ажилгүйдэл буурахгүй. Тиймээс иргэнээ ажилтай, орлоготой болгоход манай Засгийн газар анхаарч ажиллана. Нийгмийн халамж шаардлагатай хэсэгт халамж өгөөд л явна. Төрийн халамжаас гадуур орхихгүй.
С.Бямбацогт: -Ардчилсан нам барууны үзэл бодолтой, МАХН зүүний үзэл бодолтой. Нэг нь төрийн зохицуулалтыг дэмжинэ нөгөөх нь хувийн хэвшлийг дэмжинэ гэж.. Үзэл бодлын зөрүүтэй хоёр нам яаж Засгийн газарт хамтарч ажиллах вэ?
Н.Алтанхуяг: -Өнгөрсөн 3.6 жилийн хугацаанд Ардын нам, Ардчилсан нам хоёр хамтраад ажилласан, тэрэн шиг л хамтраад ажиллана. Тэр байтугай л зүйлийг хамтраад хийж байсан, гар нийлж ажиллана.
Ийнхүү асуулт, хариулт өрнөсний дараа гишүүд Ерөнхий сайдад нэр дэвшигчид хандан саналаа хэлэхэд, УИХ-ын гишүүн С.Бямбацогт “Цөөнхдөө хүндэтгэлтэй хандаарай, өмнө нь МАН-тай Ардчилсан нам хамтарч Засгийн газар байгуулж байх үед та Тэргүүн шадар сайдаар ажиллаж байсан. Тэргүүн шадар сайдаар томилогдохдоо “Хөөсөн ч Хамтарсан Засгийн газраас гарахгүй” гэж хэлж байсан, гэвч хөөгөөгүй байхад хаяад явсан. Ийм алдаа бүү гаргаарай” гэсэн бол УИХ-ын гишүүн М.Сономпил “УИХ-ын даргаа томилоод байнгын хороодыг байгуулаад, Ерөнхий сайдын асуудлыг оруулж ирсэн нь сайн байна. Ерөнхий сайдад нэр дэвшигч Н.Алтанхуяг нь Засгийн газрыг тэргүүлээд явах чадвартай, энэ хэмжээний туршлага хуримтлуулсан улстөрч. “Шударга ёс” эвсэл нь Ардчилсан намтай хамтарсан Засгийн газар байгуулахаар гэрээ байгуулаад явж байна. Үзэл бодлын хувьд ойролцоо, гол нь Монгол үндэсний эрх ашиг дээр тулгуурлаж байх ёстой, мөрийн хөтөлбөрийн хувьд хоёр намын хувьд зөрчилдөж буй зүйл байхгүй. “Шударга ёс” эвслийн хувьд таван зүйлийг мөрийн хөтөлбөртөө тусгасан байсан. Тэр бүхнээс бараг нь Засгийн газрын мөрийн хөтөлбөрт тусч байгаа” гэсэн юм.
Харин УИХ-ын гишүүн Д.Тэрбишдагва: -Ц.Нямдорж шударга дүр гаргаж ярьдаг байсан гэхдээ монголын ард түмэн одоо хүлээж авахаа больчихсон. Биднийг тэр урвагч гэж ярьж байна, Ц.Нямдорж олон жил МАХН-аас нэр дэвшсэн, тиймээс түүний ярьсанд нь битгий эмзэглэ. Н.Энхбаярыг шоронд оруулсан хүн Ц.Нямдорж, баривчлах үед нь унтсан хүн тэр. Би бол түүн шиг улстөрийн зөнөглөл хийхгүй, шударга үнэний төлөө, хэлмэгдүүлэлтийн эсрэг ажиллах болно гэдгээ хэлье. Н.Алтанхуяг даргадаа амжилт хүсье гэсэн юм. Ийнхүү УИХ Монгол Улсын Ерөнхий сайдаар Ардчилсан намын дарга Н.Алтанхуягийг томиллоо. Ерөнхий сайд 14 хоногийн дотор Засгийн газрын бүрэлдэхүүнээ бүрдүүлэх хуультай юм. Сайдуудын тохироо ерөнхийдөө хийгдэж дууссан учир ирэх долоо хоногт Байнгын хороодоор хэлэлцүүлж, Пүрэв, Баасан гарагийн чуулганы нэгдсэн хуралдаанаар хэлэлцүүлэх боломжтой юм.
