Дэлхийн супер од, реппэр, хөгжмийн зохиолч, продюсер Питбулл энэ оны долдугаар сарын 21-ны өдөр Төв цэнгэлдэх хүрээлэнд тоглолтоо хийхээр товлогдоод байсан билээ.  Харин ажлын ачаалал их байна гэдэг шалтгаанаар тоглолтоо есдүгээр сарын 8-нд болгон хойшлуулаад байсан. 
Гэвч тэрээр Монголд ирэхгүй болж, тоглолтоо бүрмөсөн цуцалсан байна. Одоогоор ямар шалтгаанаар цуцлагдсан нь тодорхойгүй байгаа аж. Иймд тоглолтын тасалбарыг ирэх сарын 1-нээс BlueMon Center-т буцаан тараахаар болжээ.
Сонирхуулахад, Питбулл куба-америк гаралтай дуучин бөгөөд энэ жил 31 настай. Шакира, Крис Браун, Женифер Лопез зэрэг олон одтой хамтарч дуулсан билээ.
Г.Анударь