Дуучин Аврил Лавин "Nickelback"хамтлагийн дуучин Чад Крогертэй гэрлэхээр болжээ. Тэд зургаан сарын өмнөөс болзож эхэлсэн юм. Аврилын төлөөлөгчийн мэдээлснээр Канад хос энэ сарын эхээр сүй тавьсан байна.
37 настай Чад өмнөнь гэрлэж байгаагүй бол Аврил нэг удаа гэрлэж байсан билээ. Тэрээр продюсер Дерик Уиблитай гурван жил амьдарсны эцэст 2009 онд салж байсан. Аврил мөн Америкийн телевизийн од Броди Женнертэй болзож байсан ч энэ оны эхээр харьцаагаа тасалсан юм.
Дуучин Аврил анхны цомгоо 2002 онд "Let Go"буюу "Явуул" нэртэйгээр гаргаж байсан. Харин түүний сүүлийн цомог 2011 онд гарчээ.
Э.АМАР