Дэлхийн ард түмний эв нэгдлийн бэлэгдэл болсон Зуны Олимпийн ээлжит наадам эхлэхэд 10 хүрэхгүй үлдээд байна. Бээжингийн 29-р олимп шиг өндөр амжилт гаргахыг Монголчууд бид спортынхноосоо нэхэж байгаа. Тэгвэл чөлөөт бөхийн эмэгтэйчүүдийн 63 кг-ийн жинд хүч үзэх байсан Монгол Улсын гавьяат тамирчин О.Насанбурмаа олимпоос хасагджээ. О.Насанбурмаа өнгөрсөн оны 9-р сард Туркийн Станбулд болсон ДАШТ-аас чөлөөтийн төрлөөн олимпийн анхны эрх авч, салхи хагалан элэг нэгтнүүдээ баярлуулж байсан билээ. Харин Чөлөөт бөхийн Холбооноос түүний оронд С.Батцэцэгийг олимпод оролцуулж, О.Насанбурмааг бэлтгэл хангагч болгохоор ОУ-ын ЧБХ-руу албан бичиг хүргүүлжээ. Олимпийн эрх ч үгүй С.Батцэцэг энэ тэмцээнд орж, эх орноо төлөөлөх энэ эрхийг  хүч, хөлсөөрөө авсан тамирчин бүсгүй доголон нулимс, гомдолтой хоцорсон ийм нэг шударга бус явдал өрнөж байна.О.Насанбурмаа энэ жил 23 настай. Тэрээр “Яг барилдах нас шүү дээ. Ирэх олимпод нас ч яваад өгнө. Энэ удаагийн олимп надад тохиох ганцхан боломж байлаа” гэж хэлж байна. 

Залуухан гавьяат бүсгүйн ийнхүү “жийгдэх” болсон шалтгааныг МЧХБ наадмын өдрүүдэд О.Насанбурмаан сарын тэмдэг ирж таарах учраас гэж тайлбарлаж байна. Харин сэтгэл санааны болоод тамирчин хүнээс шаардагдах бэлтгэлээ бүрэн хангаж, өөртэй нь өрсөлдөх 20 тамирчинг нэг бүрчлэн судалсан гээд өөртөө итгэл дүүрэн байсан энэ бүсгүй сарын тэмдгээ хэзээ ирэхээ хэнбугайгаас ч илүү мэддэг баймаар.

FACTNEWS.MN